ބޮލިވުޑްގެ ވަރުގަދަ ދެ އެކްޓަރުން ކަމުގައިވާ ރިތިކް ރޯޝަނާއި ރަންބީރު ކަޕޫރު އެކުގައި އަލަށް ސްކްރީން ހިއްސާ ކުރުމަށް ތައްޔާރު ވަމުން އަންނަ ކަމަށް ޚަބަރުތައް ބުނެފިއެވެ.
އަހަރުގެ ބޮޑު ޚަބަރުގެ ގޮތުގައި މިކަން އިއުލާން ކުރަމުން ބޮލީވުޑްގެ ޚަބަރުތަށް ގެެނެސްދޭ ނޫސްތަކުން ބުނެފައިވާ ގޮތުގައި މި ދެތަރިން އެކުގައި މި ފިލްމުން ފެނިގެންދާ އިރު، މި އަހަރުގެ ނޮވެމްބަރު މަހުގެ ތެރޭގައި ފިލްމު ރަސްމީކޮށް ލޯންޗު ކުރާނެއެވެ.
"ރާމާޔަނާ"ގެ ނަންދީގެން، އައްލޫ އަރްވިންދާއި މަދޫ މަންޓެނާ އަދި ނަމިތު މަލްހޮތުރާ ގުޅިގެން ހަދާ މި ފިލްމު ތިން ބަހަކުން ގެނެސް ދޭނެއެވެ. އެއީ ހިންދީ އާއި ޓަމިލް އަދި ޓެލުގޫއެވެ.
ނިތޭޝް ތިވާރީ އާއި ރަވީ އުދޭވަރް ޑައިރެކްޓް ކުރާނެ މި ފިލްމު ގެނެސް ދެނީ ތިން ބަޔަކަށް ބަހައި ލައިގެންނެވެ.
BIGGG NEWS… Producers Allu Aravind, Madhu Mantena and Namit Malhotra [Prime Focus] to make #Ramayana for the big screen… Nitesh Tiwari [#Dangal] and Ravi Udyawar [#Mom] will direct the three-part series… Will be shot in 3D and released in #Hindi, #Tamil and #Telugu. pic.twitter.com/ylSKq2rQwB
— taran adarsh (@taran_adarsh) July 8, 2019
ރިތިކް މިހާރު އަންނަނީ ދީޕިކާ ޕަޑުކޯން އާއެކު އަލަށް އޭނާ ފެނިގެން ދާނެ ފިލްމު "ފައިޓާ"ގެ މަސައްކަތުގައި ބިޒީކޮށެވެ. އަދި ރަންބީރު މިހާރު މަސަކަތް ކުރަމުން ދަނީ "އެނިމަލް" ގައެވެ.
ދެ ތަރިންގެ މި ފިލްމުތަ ނިންމުމަށް ފަހު "ރަމަޔާނަ" އަށް ތައްރާރު ވާން ފަށާނެއެވެ. ބެލެވޭ ގޮތުގައި މި އަހަރު ފަހުކޮޅު ނުވަތަ އަންނަ އަހަރުގެ ކުރީކޮޅުގައި ފިލްމްގެ ޝޫޓިން ފަށާނެއެވެ.
