ފަލަސްތީނުގެ ރައީސް މަހުމޫދު އައްބާސްއާއި ބައްދަލު ކުރުމަށް އެމެރިކާގެ ރައީސް ޖޯބައިޑްން ހިފާފައިވާ ހުޅަނގު އައްސޭރީގެ ބެތުލެހެމްއަށް ހުކުރުދުވަހު ވަޑައިގެންފިއެވެ.
Watch: US President #JoeBiden arrives in #Bethlehem where he is received by Palestinian President Mahmoud Abbas. https://t.co/EIEOXLpIZa pic.twitter.com/8G7e6o2O90
— Al Arabiya English (@AlArabiya_Eng) July 15, 2022
ޖޯ ބައިޑްން ބެތުލެހެމްއަށް ވަޑަގަތުމުން މަރުހަބާ ވިދާޅުވެފައިވަނީ ފަލަސްތީން އޮތޯރިޓީގެ ރައީސް މަހުމޫދު އައްބާސްއެވެ. އަދި ބައިޑްންއަށް ރަތް ދޫލައިގެ މަރުހަބާއެއް ވިދާޅުވެފައި ވާއިރު، ފަލަސްތީނުގެ ދެ ކުއްޖަކު ބައިޑްންއަށް މާބޮޑިއަކުން މަރުހަބާ ކިޔާފައި ވެއެވެ. އަދި އައްބާސްގެ އޮފީހަށް ވެދެވަޑައިގަތުމުގެ ކުރިން، ފަލަސްތީނުގެ ބޭންޑުގައި އެމެރިކާގެ ގައުމީ ސަލާމް ކިޔަމުން ދިޔައިރު ބައިޑްން ހުންނެވީ މޭމަތީގައި އަތް އަޅުއްވައިގެންނެވެ.
ބައިޑްން މަހުމުދު އައްބާސްއާއި ބައްދަލު ކުރައްވާފައިވަނީ، މިހާރު މެދުއިރުމައްޗަށް މިހާރު ކުރައްވަމުން ގެންދަވާ ދަތުރުފުޅުގައި ފާއިތުވެދިޔަ ދެދުވަހު އިސްރާއީލިގެ އޮފިޝަލުންނާއެކީ ވާހަކަތައް ބޭއްވުމަށް ފަހުއެވެ.
ފަލަސްތީނުގެ ރައީސްއާއި ބައްދަލު ކުރެއްވުމަށްފަހު ދެން ބައިޑަން ވަޑައިގަތުމަށް ހަމަޖެހިފައިވަނީ ސައުދީ އަރަބިއާއަށެވެ. ސައުދީގައި ބައިޑްން އަރަބި ގައުމުތަކުގެ ލީޑަރުންނާއި ބައްދަލު ކުރެއްވުމަށް ވަނީ ހަމަޖެހިފައެވެ.
ފަލަސްތީނުގެ ހުޅަނގު އައްސޭރިއަށް ކުރައްވާ ދަތުރުފުޅުގައި ބައިޑްން ފަލަސްތީނަށް 200 މިލިއަން ޑިލަރުގެ އެހީ ދޭނެކަން އިއުލާން ކުރެއްވުމަށް ވަނީ ހަމަޖެހިފައެވެ. މިއެހީއަކީ ހުކުރުދުވަހު އިރުމަތީ ޖެރޫސެލަމްއަށް ކުރެއްވި ދަތުރުފުޅުގައި ފަލަސްތީނުގެ ހޮސްޕިޓަލްތަކަށް ދެއްވުމަށް ވައުދުވި 100 މިލިއަން ޑޮލަރުގެ އިތުރުން ފަލަސްތީނަށް ދޭން ބައިޑްން ވައުދުވާ އެހީއެވެ.
މި ދަތުރުފުޅުގައި، އިސްރާއިލު ފަލަސްތީނު މައްސަލައަށް އޮތް ހައްލަކީ މިނިވަން ދެދައުލަތެއްގެ ހައްލުކަމަށް ބައިޑަން ވިދާޅުވެފައިވި ނަމަވެސް، އިސްރާއީލު ފަލަސްތީނުގެ މައްސަލައަށް ދާއިމި ހައްލެއް ހޯދުމަށް އޭ އެއްވެސް މަސައްކަތެއް ބައިޑްން އިއުލާން ކުރެއްވުމަށް ހަމަޖެހިފައެއް ނުވެއެވެ.
ފަލަސްތީނުގެ އޮފިޝަލުންވަނީ، އިސްރާއިލް ފަލަސްތީނު މައްސަލައަށް ހައްލު ހޯދުމަށް އެމެރިކާ މެދުވެރިވެގެން ސުލްހައިގެ ވާހަކަތައް ފެއްޓިފައި ނުވާތީ ހިންހަމަ ނުޖެހުން ފާޅުކޮށްފައެވެ.
