އެމެރިކާގެ މަޝްހޫރު ލަވަކިއުންތެރިޔާ ސެލީނާ ގޮމޭޒް އަނެއްކާވެސް އައު އަލްބަމެއް ނެރެން ތައްޔާރު ވެއްޖެއެވެ.
ސެލީނާ ވަނީ މިދިޔަ އަހަރު މާރިޗުމަހު "ރެވްލިޝަން" ކިޔާ ސްޕެނިޝް ލަވައެއް ނެރެފައެވެ. އައު އަލްބަމަކީ ސެލީނާގެ މި ލަވައަށް ފަހު ނެރޭ ފުރަތަމަ އަލްބަމެވެ.
އުމުރުން 29 އަހަރުގެ ސެލީނާގެ އައު ޓީވީ ސީރީޒް "އޮންލީ މާޑާސް އިން ދަ ބިލްޑިންގް" ގެ ދެވަނަ ބައިގެ ޕްރިމިއާ ހަފްލާގައި ދިން އިންޓަވިއުއެއްގައި އޭނާ ބުނީ އައު އަލްބަމެއްގެ މަސައްކަތް އޭނާ މިހާރު ފަށައިގެން އުޅޭ ކަމަށެވެ.
ނަމަވެސް އަދި އަލްބަމް ނެރޭނެ ދުވަހެއް ހާމަ އެއް ނުކުރެއެވެ. ސެލީނާ ބުނި ގޮތުގައި އޭނާ މިހާރު މަސައްކަތް ކުރަމުން ދަނި ވަރަށް ބިޒީ ޝެޑިއުލެއްގައެވެ.
