ގުޅޭގޮތުން ހެންވޭރު ދެކުނު ދާއިރާގެ މެމްބަރު ހުސެއިން ޝަހީމަށް ކުލިއަކަށް ފުލުހުން ރަނގަޅުވީ ބަލަމުންދާ މައްސަލައެއްގެ ތަހުގީގް ރަނގަޅު ކުރަންތޯ ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ސުވާލު ކުރައްވައިފިއެވެ.
ޝިޔާމް މިސުވާލު ކުރިމަތިކުރީ މިއަދު މަޖިލީހުގައި ކުރިއަށްދިޔަ ފުލުހުންގެ އިދާރާއަށް ހެޔޮބަދަލު ގެނައުމަށް ކާށިދޫ ދާއިރާގެ މެމްބަރު ޖާބިރު ހުށަހަޅާފައިވާ ޤަރާރުގެ ބަހުސްގެ މަރުހަލާގައި ވާހަކަ ދައްކަވަމުންނެވެ. އަނދުން ހުސެއިން ވިދާޅުވީ މިސަރުކާރުން ފުލުހުންގެ މުވައްސަސާގެ ތެރެއަށް ނުފޫޒު ފޯރުވައި ކަންކަން ނުކުރާނެކަމަށެވެ. މިސަރުކާރުން ވަނީ ފުލުހުންގެ ޚިދުމަތަށް އިސްލާހީ ބޮޑެތި ބަދަލު ގެނެސް ފުލުހުންގެ މުވައްސަސާއަށް ހެޔޮ ބަދަލުތަކެއް ގެނެސްފައިކަމަށް އޭނާ ވިދާޅުވިއެވެ.
އެގޮތުން ޤާނޫނަށް ގެނެވުނު އިސްލާހުތަކާއި، ފުލުހުންގެ އިދާރީ ހިންގުމަށް ގެނެވުނު ބަދަލުތަކަކީ މިއަދު ފުލުހުންގެ މުވައްސަސާއަށް އައިސްފައިވާ ހެޔޮބަދަލެއްކަމަށް ޝަހީމް ވިދާޅުވިއެވެ.
ޝަހީމްގެ ވާހަތަކަށް ރައްދު ދެއްވަމުން ޝިޔާމް ވިދާޅުވީ ފުލުހުންގެ ތެރޭގައި ތަހުގީގް ކުރެވެމުންދާ މައްސަލައެއްގެ ތަހުގީގް ރަނގަޅު ކުރުމުގެ ނިޔަތުގައި ފުލުހުންގެ މުއައްސަސާ ކުއްލިއަކަށް ރަނގަޅުވެގެން އުޅުމަކީ ތަހުގީގް ރަނގަޅުވާނެ ކަމެއް ނޫންކަމަށެވެ.
ފުލުހުން މިތަނުގައި ދައްކާ ވާހަކައަކަށް އޮންނަ ތަހުގީގެއް ރަނގަޅު ކުރާނެކަމަކަށް ހީކުރުމަކީ އެއީ ދެރަ ވިސްނުމެއް.
– ޝިޔާމް ވިދާޅުވިއެވެ.
ޝިޔާމް ވިދާޅުވީ ދެފަހަރަށް މިސަރުކާރުން ފައިސާ ޗާޕްކޮށްގެން ހިންގެވި ކަންކަމުގެ ސަބަބުން ޤައުމުގެ އިޤްތިޞާދު ނުހަނު ބޮޑު އަނދަވަޅަށް ވެއްޓިފައިވާކަމަށެވެ. ފުލުހުން ގަންނަ ތަކެތީގެ ތެރެއިން އެތައް ތަކެއްޗެއް އަގުބޮޑުވެފައިވާއިރު ފުލުހުންގެ މުސާރައާއި އިނާޔަތްވެސް ބޮޑުވާންޖެހޭކަމަށް ޝިޔާމް ވިދާޅުވިއެވެ.
ޚަރަދަށް ޒިންމާވާ ޤާނޫނުގެ މާއްދާތައް އުނިކޮށްގެން މިސަރުކާރުން ދެފަހަރަކަށް ފައިސާ ޗާޕުކޮށްފި. ދެފަހަރަކަށް ފައިސާ ޗާޕުކޮށްގެން 6.5 ބިލިއަން ރުފިޔާ ސާކިއުލޭޝަން ތެރެއަށް ނެރުނީ. ނެރުނީމާ މިވީގޮތަކީ ފުލުހުން ގަންނަ ސޮސެޖު ކުރީގައި 30 ރުފިޔާއަށް ގަތް ސޮސެޖު މިހާރު 40 ރުފިޔާއަށް ބަދަލުވީ، 35 ރުފިޔާއަށް ގަތް ކުޅު 65 ރުފިޔާއަށް ބަދަލުވީ، ތެޔޮފުޅި 35 ރުފިޔާއަށް މިވަގުތު 95 ރުފިޔާއަށް ބަދަލުވީ. އެހެންވީމާ ފުލުހުންގެ ދިރިއުޅުމުގެ ޚަރަދުވެސް އިންތިހާއަށް ބޮޑުވެއްޖެ. އެހެންވީމާ ފުލުހުންގެ މުސާރަޔާއި އިނާޔަތްވެސް ބޮޑުވާންޖެހޭ.
– ޝިޔާމް ވިދާޅުވިއެވެ.
ޝިޔާމް މިހެން ވިދާޅުވީ އެއް ޖިންސުން ގުޅުން ހިންގަނިކޮށް ނަގާފައިވާ ބަރަހަނާ ވީޑިއޯއާއި ފޮޓޯތަކުގެ ތެރޭގައި މެމްބަރު ހުސެއިން ޝަހީމްކަމަށް ބެލެވޭ މީހެއްގެ ފޮޓޯވެސް ދައުރުވަމުންދަނިކޮށް، އެމައްސަލަ ފުލުހުން ތަހުގީގް ކުރަމުންދާ ދަނޑިވަޅެއްގައެވެ.
