ރަޝިއާއި ދެކޮޅަށް އަޅާ އިތުރު ދަތިކުރުމުގެ ފިވަޅެއްގެ ގޮތުން، ޖީ 7ގެ ގައުމުތަކުގެ ވެރީން ރަޝިއާގެ ރަން އެތެރެކުރުން ހުއްޓާލާނެކަން އިއުލާން ކުރައްވާނެ ކަމުގައި އެމެރިކާގެ ރައީސް ޖޯ ބައިޑްން ވިދާޅު ވެއްޖެއެވެ. ރަޝިއާއިން ރަން އެތެރެ ހުއްޓާލާ ޖީ 7ގެ ގައުމުތަކުގެ ތެރޭގައި ކެނެޑާ، ޖަޕާން، އިނގިރޭސިވިލާތުގެ އިތުރުން އެމެރިކާ ހިމެނެއެވެ.

"އަހަރެމެން އެންމެން އެކީ ޖީ7އަކުން، ރަޝިއާއަށް އެތައް ބިލިއަން ޑޮލަރެއް ލިބެމުންދާ ރަން އެ ގައުމުތަކަށް އެރެކުރުން ހުއްޓާލާނެކަން އިއުލާން ކުރާނެ،" ބައިޑްން ޓުވީޓު ކުރައްވާފައި ވެއެވެ.

The United States has imposed unprecedented costs on Putin to deny him the revenue he needs to fund his war against Ukraine.

Together, the G7 will announce that we will ban the import of Russian gold, a major export that rakes in tens of billions of dollars for Russia.

— President Biden (@POTUS) June 26, 2022

އިނގިރޭސިވިލާތުގެ ސަރުކާރުން ފަހުން ނެރެފައިވާ ބަޔާނެއްގައި ވިދާޅުވެފައި ވަނީ، މި ދަތިކުރުމުގެ ފިޔަވަޅުތައް އަމާޒު ކުރެވިގެން ދާނީ، އަލަށް ބިމު އަޑިން ނަގާ ރަނާއި އަދި ސާފު ކުރެވިފައިވާ ރަނަށް ކަމުގައެވެ. އަދި ރަޝިއާއިން މިހާރު އެކްސްޕޯޓު ކޮށްފައިވާ ރަނަށް މި ފިޔަވަޅުތައް އަމާޒު ނުކުރެވޭނެކަމަށްވެސް މި ބަޔާނުގައި ވިދާޅުވެފައި ވެއެވެ.

މިހާތަނަށް އެމެރިކާއާއި ޔޫރަޕުން ރަޝިއާއި ދެކޮޅަށް 7 ފަހަރުމަތިން ދަތިކުރުމުގެ ފިޔަވަޅުތައް އަޅާފައިވާއިރު، ދުނިޔޭގެ ގިނަ އަދަދެއްގެ ބޮޑެތި ކުންފުނިތަކުންވަނީ ރަޝިއާގައި ހިންގަމުން އައި ވިޔަފާރިތައް ހުއްޓާލާފައެވެ. މީގެތެރޭގައި ކާރު އުފައްދާ ބޮޑެތި ކުންފުނިތައް ކަމުގައިވާ ޓޮޔޯޓާއާއި މަޒްޑާ ހިމެނޭއިރު، މުޅި ދުނިޔޭގައި ފަރނީޗަރު ވިޔަފާރި ކުރާ އިކިއެއަރއާއި، އަދި މާސްޓަރ ކާޑާއި ވިސާރ ކާޑުގެ ޚިދުމަތް ފޯރުކޮށްދޭ ދެ ކުންފުނިވެސް ހިމެއެވެ. އަދި ދުނިޔޭގެ އެންމެ ބޮޑު 4 އެކައުންޓިން ފާރމްގެ ތެރޭގައި ހިމެނޭ ދެ އެކައުންޓިންގ ފާރމް ކަމުގައިވާ ކޭޕީއެމްޖީއާއި ޕްރައިސްވޯޓަރހައުސްކޫޕަރސް އިންވެސް ވަނީ ރަޝިއާގައި މަސައްކަތް ކުރުން ހުއްޓާލާފައިވާއިރު، މަޝްހުރު ތެޔޮ ކުންފުނި ޝެލްއިން ވަނި ރަޝިއާގެ ކުރޫޑް އޮއިލް ގަތުން ހުއްޓާލާފައިވާކަން އިއުލާން ކޮށްފައެވެ.

މީގެ އިތުރުން ބައިނަލްއަގުވާމީ ގިނަ މީޑިއާތަކުންވެސް ވަނީ ރަޝިއާގައި ހިންގަމުން އައި އޮފީސްތައް ބަންދު ކޮށްފައެވެ.