މާތް ވެގެންވާ އިސްލާމީދުގައި ކަން އޮތްގޮތް ސާފުކޮށް ކިޔައިދިން ދީނީ ޢިލްމުވެރިޔާ ގެންގޮސް ކުޑަގޮޅީގައި ބޭއްވިއިރު، ފާޅުވެގެންވާ ގޮތަށް ބޮޑު ކުށަކަށް އަރައިގަތް މީހާ ފުލުހަށް ގެންގޮސް ކާރުކޮޅުގައި ގެއަށް ގެންދިއުމަކީ ލަދުވެތި ކަމެއްކަމަށް ހެޕީމާކެޓްގެ ސީއީއޯ ކެޕްޓައިން (ރޓޑ) އަލީ އިހުސާން ވިދާޅުވެއްޖެއެވެ.

އިހުސާން މިހެން ވިދާޅުވީ މިދިޔަ ހަފްތާގެ އަންގާރަ ދުވަހު ޔޫތު މިނިސްޓްރީއާއި، ރާއްޖޭގައި ހުންނަ އިނޑިއާގެ ހައި ކޮމިޝަނުން ގުޅިގެން ބޭއްވުމަށް މަސައްކަތްކުރި ޔޯގާ ހަރަކާތާއި ގުޅިގެން ދީނީ ގޮތުން އެކަން އޮތްގޮތް ކިޔައިދިން ދީނީ ބައެއް ޢިލްމުވެރި ޖަލަށްލައި، އެއްޖިންސުން ގުޅުންހުރި ވީޑިއޯ އާންމުވެފައިވާ ރައީސް ނަޝީދުގެ ކޮއްކޮ ނާޒިމް ސައްތާރު ޕޮލިހަށް ގެންގޮސް އޭނާ އަދިވެސް ދޫކޮށްލާފައި ހުރުމުން އެކަމަށް އަމާޒުކޮށް ކުރެއްވި ޓުވީޓުގައެވެ.

ޔޯގާ ހަރަޖާތާއި ގުޅިގެން ދީނީ އިލްމުވެރިންގެ ތެރެއިން ޝައިޚު ނިޝާންއާއި، ޝައިޚު ފަޒުލޫން ވަނީ ހައްޔަރުކޮށް ޖަލަށް ލާފައެވެ. މި އިލްމުވެރިން ޖަލަށްލާފައިވަނީ ޔޯގާ ހަރަކާތަށް ހުރަސް އަޅައި ހަމަނުޖެހުން ހިންގިކަމުގެ ތުހުމަތުގައެވެ. ނަމަވެސް މިދެ އިލްމުވެރިން ޔޯގާއާއި ގުޅިގެން ދީނީ ގޮތުން އޮތްގޮތް ސާފުކޮށް ދިނުންފިޔަވައި، އެދުވަހުގެ އެހަރަކާތުގައި އެއްވެސް އަމަލެއް ހިންގާ ވީޑިއޯއެއް ފެނިފައި ނުވެއެވެ.

ކެޕްޓަން އިހުސާން ވިދާޅުވީ ދީނުގައި ކަން އޮތް ގޮތުން ކިޔައިދިން ދީނީ އިލްމުވެރިން ނަފްރަތު އުފައްދާކަމަށްބުނެ ޖަލަށްލާފައިވާއިރު، ފާއިތުވެދިޔަ އެތައް އަހަރެއްގައި އެތައްބައެއްގެ އަބުރަށް އަރައިގަނެ، މުޖުތަމައު ފަސާދަ ކުރުމުގައި ހަރަކާތްތެރިވި މީހެއްގެ ނުބައި ކަންބޮޑު އަމަލެއް ހިންގާ ވީޑިއޯއެއް އާންމުވުމުންވެސް ފުލުހުން އޭނާ ގެންގޮސް ވާހަކަ ދެއްކުމަށްފަހު ކާރުކޮޅުގައި ގެއަށް ގެންދިއުމަކީ ލަދުވެތި ކަމެއްކަމަށެވެ.

ދީނުގައި އޮތް ގޮތް ކިޔާދިން ޝައިޚު ނަފްރަތު އުފައްދާކަމަށް ވީޑިއޯއަކުން ބަލާފަ ކުޑަގޮޅިގަ. މިދިޔަ އެތައް އަހަރަކު މުޅި މުޖުތަމައުގަ ފިތުނަ ފަސާދަ އުފައްދައި ނަފްރަތު އުފެއްދައި މީހުންގެ އަބުރަށް އަރަމުން ދިޔަ މީހާ ބޮޑު ކުށެއްކުރާ ވީޑިއޯ ފެނިފަ ޕޮލިހަށް ގެންސްސަ ކާރެއްގަ ގެއަށް.

– އަލީ އިހުސާން ވިދާޅުވިއެވެ.

އެޅާ ހައްޔަރެއް ނުކުރޭތަ؟ މުޖްތަމަޢުއަށް ނުރައްކަލެއް ލިވާތުކުޅި އަކީ @PoliceMv @ibusolih #ArrestNazimSattar https://t.co/PMv702h1bC

— muhammad 🇲 💡💡 بجمهورية_المالديف (@saeedBOKI) June 24, 2022

ޝައިޚު ނިޝާން ހައްޔަރުކޮށްގެން ފުލުހުންގެ ގެންދިޔައީވެސް އޭނާގެ ދަރިފުޅާއިއެކު ނަމާދަށް ދަނިކޮށެވެ. ގިނަ އަދަދެއްގެ ރަޔަޓް ގިޔަރުގައި ތބި ފުލުނުން ޝައިޚު ނިޝާން ވަށާލިއިރު، ކުޑަކުއްޖާ ބިރުން އޭނާގެ ބައްޕަ ގައިގައި ބައްދާލާތަންވެސް އެވީޑިއޯއިން ފެނެއެވެ. ފުލުުހުން ޝައިޚު ނިޝާން ހައްޔަރު ކުރުމުގައި އަމަލުކޮށްފައިވާ ގޮތާއިމެދު ގިނަ ބަޔަކު ދަނީ ފުލުހުންނަށް ބޮޑެތި ފާޑުކިޔުން އަމާޒު ކުރަމުންނެވެ.

ނާޒިމް ސައްތާރު އެއްޖިއްސުން ގުޅުންހިންގި ކަމަށް ބުނެ ދައުރުވާ ވީޑިއޯއާއި ގުޅިގެން މިހާތަނަށް ފުލުހުން ދީފައިވަނީ ވަރަށް އާދައިގެ ޖަވާބެކެވެ. ސީދާ މިމައްސަލަ ސީރިއަސްކޮށް ތަހުގީގްކުރާކަމަށް ބުނުމުގައި ބަދަލުގައި ފުލުހުން ބުނެފައިވަނީ އެތައް ބަޔަކު ބްލެކްމައިލް ކުރާ މައްސަލަތަކެއް މީގެ ކުރިން ހުށަހެޅި އެކަން ތަހުގީގް ކުރަމުންދާކަމަށެވެ.