މިއަހަރު ޑިސެމްބަރު މަހު ނުވަތަ އަންނަ އަހަރުގެ ޖަނަވަރީގައި "ނޯ އެންޓްރީ މޭ އެންޓްރީ" ގެ މަސައްކަތް ފެށޭނެ ކަމަށް ފިލްމުގެ ޑައިރެކްޓަރު އަނީސް ބަޒްމީ ބުނެފިއެވެ.
ނޯ އެންޓްރީ އަކީ 2005 ގައި ނެރެނު ކާމިޔާބު ފިލްމެކެވެ. އެ ފިލްމުގެ ދެވަނަ ބައެއް ނެރެން އުޅޭއިރުގެ ފިލްމްގެ ކާސްޓުން، ފުރަތަމަ ފިލްމުން ފެނުނު ސަލްމާނާއި އަނިލްގެ އިތުރުން ފަރްދީން ވެސް ފެންނާނެއެވެ. މިއީ އެ ތިން ތަރިންގެ އޮން-ސްކްރީން ރިޔޫނިއަންއެވެ.
ދާދިފަހުން ބޮލީވުޑް ހަންގާމާއަށް ދިން އިންޓަވިއުއެއްގައި އަނީސް ބުނެފައި ވަނީ ދާދިފަހުން ސަލްމާނާ ބައްދަލުކޮށް ފިލްމުގެ މަސައްކަތާ ބެހޭގޮތުން ވާހަކަ ދައްކާފައިވާ ކަަމަށެވެ. އަދި ސަލްމާންގެ ތާރިހު ލިބެނީ ޑިސެމްބަރު މަހުގެ ތެރޭ ނޫނީ އަންނަ ޖަނަވަރީގައި ކަމަށް އޭނާ ބުނެފައި ވެއެވެ.
އަދި މިހާތަނަށް މި ފިލްމުގެ މުޅި ކާސްޓް އިއުލާން ކޮށްފައި ނުވި ނަމަވެސް ފިލްމުގެ ކާސްޓް އެއްކޮށް ވަރަށް އަވަހަށް އިއުލާން ކުރާނެ ކަމަށް ޚަބަރުތައް ބުނެއެވެ. އަދި ފިލްމުން މިހާރުގެ މަޝްހޫރު ތަރިން ފެނިގެން ދާނެ ކަމަށް ޑައިރެކްޓަރު ވަނީބުނެފައެވެ.
"ނޯ އެންޓަރީ" ގައި ފެނިގެން ދިއައީ ސަލްމާން ޚާން، ފަރްދީން ޚާން، އަނިލް ކަޕޫރު، ލާރާ ދައްތާ، އީޝާ ޑިއޯލް އަދި ސެލީނާ ޖެއިޓްލީއެވެ.
