ބޮލިވުޑްގެ އޭ ލިސްޓްގެ ދެތަރިން ކަމުގައިވާ އާމިރު ޚާނާއި އަކްޝޭ ކުމާރުގެ 2 ފިލްމު އެއް ދުވަހަކު ރިލީޒް ކުރާގޮތައް ހަމަޖެހިއްޖެއެވެ.
އާމިރުގެ އުންމީދީ ފިލްމް "ލާލް ސިންގް ޗައްޑާ" އާއި އަކްޝޭގެ "ރަކްޝާ ބަންދަން" މުޑިއަރާގޮތް ވެފައި މިވަނީ މި ދެ ފިލްމުވެސް އަންނަ އޯގަސްޓް މަހުގެ 11 އަށް ތާވަލުކޮށްފައި ވުމުންނެވެ.
އާމިރު ވަނީ އޭނާގެ ފިލްމުގެ ޕްރޮމޯޝަން ވަރަށް ކުރީއްސުރެ ފަށާފައެވެ. "ލާލް ސިންގް ޗައްޑާ' އަކީ 2018 ގެ "ތަގްސް އޮފް ހިންދުސްތާން"އަށް ފަހު ބެލުންތެރިންނާ ހަމައަށް އަންނަ އާމިރުގެ ފުރަތަމަ ފިލްމެވެ. މި ކޮމެޑީ ޑްރާމާގެ ބަތަލާއަކީ ކަރީނާ ކަޕޫރެއެވެ.
AAMIR VS. AKSHAY: THE BIGGG CLASH… #LSC [#AamirKhan] will lock horns with #RakshaBandhan [#AkshayKumar] this #IndependenceDay weekend… Let’s have *your* opinion on this clash? pic.twitter.com/x3y5p82dTx
— taran adarsh (@taran_adarsh) June 16, 2022
އަކްޝޭގެ "ރަކްޝާ ބަންދަން" އަކީ ފެމިލީ ޑްރާމާއެކެވެ. ޑައިރެކްޓަރ އާނަންދު އެލް ރާއީ ހަދާފައިވާ ފިލްމުގެ ބަތަލާ އަކީ ބޫމީ ޕަޑްނޭކަރެވެ.
މިގޮތަށް އެއް ދުވަހަކު ރިލީޒް ކުރަން ހަމަ ޖެހޭ، ބޮޑެތި ތަރިންގެ ފިލްމުތަށް ފަހުން ތަރީހު ބަދަލުކޮށްފައިވެސް އެބަހުއްޓެވެ. އެހެން ކަމުން ދުވަސް ކައިރި ވުމުން މި ފިލްމުގެ ރިލީޒިންގ ޑޭޓަށްވެސް ބަދަލު އައުމަކީ އެކަށީގެން ވާކަމެކެވެ.
ކޮމެންޓު ފޮނުވާ