ބޮލީވުޑްގެ ސްޕަސްޓާރ ސަލްމާން ހާންގެ ކުރިއަށް އޮތް ފިލްމް "ކަބީ އީދް ކަބީ ދިވާލީ"ގެ ރޯލެއް ޕަލަކް ތިވާރިއަށް ލިބިއްޖެއެވެ.
މަޝްހޫރު ސިލްސިލާ ޑްރާމާ "ކަސޯޓީ ޒިންދަގީކީ" އިން 'ޕްރެނާ' ގެ ރޯލުޔ ކުޅެން ބޮޑު މަޝްހޫރު ކަމެއް ހޯދި ޝްވޭތާ ތިވާރީގެ ދިނީ އަންހެން ދަރިފުޅަށް ސަލްމާން އާއި އެކުގައި ފިލްމް އެއް ކުޅުމުގެ ފުރުސަތު ލިބުން އިރު ޝްވޭތާ އާއި ސަލްމާން އަކީ ވަރަށް ގާތް ދެރަހުމަތް ތެރިންނެވެ.
މީގެ ކުރިން ޕަލަކް ފިލްމެއް ކުޅެފައި ނުވިވަނަމަވެސް އޭނާގެ ނެށުމާއި އެކްޓިންގެ ހުނަރު ފެނިގެންދާ ލަވައެއް ވަނީ ބެލުންތެރިންނަށް ދޫކޮށްލައިފިއެވެ.
ޕަލްކް މި ފިލްމް އިން ފެނިގެން ދާއިރު މިއީ އޭނާ ބޮލީވުޑް އަށް ތައާރަފްވާ ފިލްމް ވެސް މެއެވެ. 21 އަހަރުގެ ޕަލަކް މި ފިލްމްގައި ކުޅެނީ ކޮންކަހަލަ ރޯލެއް ކަމެއް ނޭގުންނަމަވެސް "ކަބީ އީދް ކަބީ ދިވާލީ" އަކީ އާއިލީ ކަންތަށްތަކެއް ދައކުވައިދޭ މަޖާ މަސްހުނި އިހުސާސް ގެ ފިލްމްއެކެވެ.
"ކަބީ އީދު ކަބީ ދިވާލީ" އަކީ ގިނަ އަދަދެއްގެ ތަރިން ފެންނާނެ ފިލްމެކެވެ. އެ ފިލްމުގައި ސަލްމާންގެ އާއިލާގެ މީހުންގެ ރޯލުން ރާގަވް ޖުޔަލް އާއި ސިދާތު ނިގަމް ފެންނާނެ އެވެ. އަދި ޕޫޖާ ހެޖް އާއި ޝެހެނާޒް ގިލް ފަދަ ތަރިން ވެސް އެ ފިލްމުން ފެންނާނެ އެވެ. ފިލްމް ހެ ޝޫޓިން މިހާރު ފަށައިފައިވާ އިރު ޝޫޓިން ކުރިއަށް ދަނީ ހައިދަރްއާބާދްގައިއެވެ.
