މާލޭގެއެއްގައި ވަޅުލާފައި ހުއްޓާ އަތުލައިގަތް މަސްތުވާތަކެތީގެ މައްސަލައިގައި ހައްޔަރުކުރި ދެމީހުން ދޫކޮށްލައިފިއެވެ.
މޯލްޑިވްސް ޕޮލިސް ސަރވިސްއާއި ޑްރަގް އެންފޯސްމަންޓް އެންޑް ކައުންޓަރ ނާކޮޓިކްސް އިންޓެލިޖެންސް ގުޅިގެން މާލޭގައި ހިންގި އޮޕަރޭޝަނެއްގައި 42 ކިލޯގެ މަސްތުވާތަކެތި ގެއެއްގެ ތެރޭގައި ވަޅުލާފައި ހުއްޓާ ހޯދާފައިވަނީ މިދިޔަ މާޗު މަހު 24 ވަނަ ދުވަހުގައެވެ.
މިމަހުގެ 22 ވަނަ ދުވަހު ފުލުހުން ހިންގި އޮޕަރޭޝަނާއި ގުޅިގެން ހައްޔަރުކޮށްފައިވަނީ ކ. މާލެ، ދަފްތަރު ނަންބަރު ރސ 3840، އަޙްމަދު ޙުސައިން (39އ) އާއި ކ. މާލެ، މ. ނޫރުއް، ޢަބްދުﷲ ނަޝީދު (46އ) އެވެ.
މިމައްސަލާގައި ހައްޔަރުކުރި އަހްމަދު ޙުސައިންއަކީ ޕީޕަލްސް ނޭޝަނަލް ކޮންގްރެސް (ޕީ.އެން.ސީ)ގެ ކައުންސިލް މެންބަރެކެވެ. އަހްމަދު ހުސައިންގެ މައްޗަށް ފުލުހުން ކުރާ މަސްތުވާތަކެތީގެ ތުހުމަތާ ގުޅިގެން ޕީއެންސީން ވަނީ އެ ޕާޓީގެ ކައުންސިލް މެމްބަރު ކަމުން އޭނާ ވަކިކޮށް ޕާޓީގެ ހަރަކާތްތަކުން ސަސްޕެންޑްކޮށްފައެވެ.
