ހުވަދު އަތޮޅު އުތުރުބުރީ ދާންދޫގެ ބިން ހިއްކުމާއި ގޮނޑުދޮށް ޙިމާޔަތްކުރުމުގެ މަސައްކަތް އަންނަ އޯގަސްޓްމަހަށް ނިންމާލެވޭނެކަމަށް އެމްޓީސީސީން ބުނެފިއެވެ.
އެމްޓީސީސީން މިއަދު އާންމުކޮށްފައިވާ ދާންދޫގެ ބިން ހިއްކުމާއި ގޮނޑުދޮށް ޙިމާޔަތްކުރުމުގެ މަޝްރޫއުގެ މަސައްކަތަށް ބަލާއިރު، ދާންދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުއަށް ބޭނުންވާ ބޮޑުހިލައިގެ ދެވަނަ ޝިޕްމަންޓް މިމަހުގެ ފުރަތަމަ ދުވަހު ވަނީ ޕްރޮޖެކްޓް ސައިޓަށް ގެންގޮސްފައެވެ. އަދި ބަންޑް ވޯލް އެޅުމުގެ މަސައްކަތް ވަނީ ފުރިހަމަ ކުރެވިފައެވެ. އެ ކުންފުނީގެ އަމާޒަކީ އަންނަ އޯގަސްޓްމަހަށް ބިންހިއްކުމުގެ މަސައްކަތް އެއްކޮށް ނިންމާލުމެވެ.
ގއ. ދާންދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުއަށް ބޭނުންވާ ބޮޑުހިލައިގެ ދެވަނަ ޝިޕްމަންޓް 01 ޖޫން 2022 ވަނަ ދުވަހު ވަނީ ޕްރޮޖެކްޓް ސައިޓަށް ގެންދެވިފަ. އަދި ބަންޑް ވޯލް އެޅުމުގެ މަސައްކަތް ވަނީ ފުރިހަމަ ކުރެވިފަ.#MTCCProjects #RayyithungeKunfuni pic.twitter.com/LiFgDnbax9
— MTCC Plc (@MTCCPlc) June 2, 2022
އެމްޓީސީސީއާ ހަވާލުކޮށްފައިވަނީ، ދާންދޫގެ ފަޅުން 25 ހެކްޓަރުގެ ސަރަޙައްދެއް ހިއްކުމަށެވެ. އަދި ހިއްކާ ސަރަޙައްދު ޙިމާޔަތްކުރުމަށް 1238 މީޓަރުގެ ސަރަޙައްދުގައި ބޮޑުހިލަ ޖެހުމުގެ މަސައްކަތް ހިމެނެއެވެ. މީގެއިތުރަށް 240 މީޓަރުގެ ސަރަޙައްދުގައި ހުރަސް ތޮށިލުމަށް ވަނީ ހަވާލުކޮށްފައެވެ.
މިމަޝްރޫޢަކީ ސަރުކާރުގެ ބަޖެޓުން 186.6 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢުއެކެވެ.
ކޮމެންޓު ފޮނުވާ