މެދު ކެނޑުމަކަށްފަހު މޭޔަރު މުޢިއްޒު އަނެއްކާވެސް ރައްޔިތުންގެ ގާތަށް ރަމަޟާން މަހަށް މެދުކަނޑާލުމަށްފަހު އަނެއްކާވެސް މާލެ ސިޓީގެ މޭޔަރު ޑރ މުޙައްމަދު މުޢިއްޒު ރައްޔިތުންގެ ގާތަށް ޒިޔާރަތް ކުރައްވަން ފައްޓަވައިފިއެވެ.
އެގޮތުން ހޯމަ ދުވަހު މޭޔަރު ޒިޔާރަތް ކުރެއްވީ މައްޗަންގޯޅި މެދު ދާއިރާގެ ރައްޔިތުންގެ އަރިހަށެވެ. މި ޒިޔާރަތުގައި ދާއިރާގެ ކައުންސިލަރު އަހުމަދް ޟަމީރު ވެސް ވަނީ ބައިވެރިވެ ވަޑައިގަންފައެވެ. ރައްޔިތުންގެ ޙާލަތު ގާތުން ބެއްލެވުމަށް ގޭގެއަށް ޒިޔާރަތް ކުރެއްވުމަކީ ކައުންސިލް އިންތިޚާބުގައި މޭޔަރު މުޢިއްޒު ވެވަޑައިގެންނެވި ވަޢުދެކެވެ.
މޭޔަރު ކަމުގެ ހުވާ ކުރެއްވިފަހުން މޭޔަރު އަންނަނީ ވަޢުދާއި އެއްގޮތަށް ގޭގެއަށް ޒިޔާރަތް ކުރައްވާ ރައްޔިތުންގެ ކަންބޮޑުވުންތަކާއި ޝަކުވާތަށް ކައިރިން އަޑުއައްސަވަމުންކަން ފާހަގަ ކޮށްލެވެއެވެ. ރައްޔިތުންގެ ގާތަށް ކުރައްވާ ޒިޔާރަތުގައި ރައްޔިތުންގެ ޝަކުވާ އާއި ކަންބޮޑުވުންތަކަށް އަވަސް ހައްލެއް ހޯއްދަވައިދެއްވުމަށް މޭޔަރާއި ކައުންސިލަރުން ދަނީ މަސައްކަތް ކުރައްވަމުންނެވެ.
މާލޭ ސިޓީގެ މޭޔަރު @MMuizzu މައްޗަންގޮޅި މެދު ދާއިރާގެ ކައުންސިލް މެމްބަރު @AhmedXamyr އާއި އެކު ދާއިރާގެ ރައްޔިތުންގެ ގާތަށް ޒިޔާރަތްކުރެއްވުން. pic.twitter.com/ORS2olfLnd
— Male' City Council (@MaleCitymv) May 30, 2022
ރައްޔިތުންގެ ގާތަށް މޭޔަރާއި ކައުންސިލަރުން ކުރައްވާ ޒިޔާރަތުގައި ކުރިއަށް އޮތް ދުވަސްތަކުގައި މާލެ ސިޓީގެ 18 ދާއިރާގެ ގެތަކަށް ޒިޔާރަތްކޮށް ރައްޔިތުންގެ ކަންބޮޑުވުންތައް އަޑު އައްސަވާ އެކަންކަން ވީ އެންމެ އަވަހަށް ހައްލުކޮށްދެއްވުމަށް ކައުންސިލް ފެންވަރުގައި މަސައްކަތް ކޮށްދެއްވާނެ ކަމުގެ ޔަޤީންކަން މޭޔަރު ވަނީ ރައްޔިތުންނަށް ދެއްވާފައެވެ.
