ރާއްޖޭގެ މަޝްހޫރު ކަށީގެ ޑޮކްޓަރު ޑރ.ޔޫސުފް ޝާން ރާއްޖޭގެ އެންމެ ބޮޑު ހޮސްޕިޓަލް އައިޖީއެމްއެޗުން ވަކިވެވަޑައިގެންފިއެވެ.. އައިޖީއެމްއެޗުން ޑރ.ޝަންގެ ވަކިވުން ފާހަގަކޮށް ވަނީ ފެއަރވެލްއެއް ބާއްވާފައެވެ.

އައިޖީއެމްއެޗް އިން ބުނީ އެ ހޮސްޕިޓަލްގެ ސީނިއާ ކޮންސަލްޓަންޓް، ޑރ. ޔޫސުފް ޝާން ވަޒީފާއިން ވަކިވެވަޑައިގަތީ އަބޫދާބީގައި "އައު ޗެލެންޖްސް"ތަކަކާއި ކުރިމަތިލެއްވުމަށްކަމަށެވެ. އެއީ ކޮންކަމެއްގައި ނުވަތަ އެޤައުމުގެ ކޮން ހޮސްޕިޓަލަކަށްކަމެއް ބުނެފައެއް ނުވެއެވެ.

ޑރ.ޝާން އަކީ ރާއްޖޭގައި ވަރަށް މަޤްބޫލު އަދި އެހާމެ މަޝްހޫރު ކަށީގެ ޑޮކްޓަރެކެވެ. އޭނާ ވަނީ އައިޖީއެމްއެޗްގައި މިދިޔަ އަހަރުގެ ޖެނުއަރީ މަހުން ފެށިގެން މިއހަރުގެ މެއި މަހުގެ ނިޔަލަށް މެޑިކަލް ޑިރެކްޓަރުގެ މަޤާމުވެސް ފުރުއްވާފައެވެ.

Today we bid farewell to Senior Consultant in Orthopedics Dr. Yoosuf Shan, who is embarking on a new challenge in Abu Dhabi, UAE.
Dr. Shan also filled the position of Medical Director from 1st Jan 2021 to 1st May 2022.
We truly appreciate your hard work and dedication. pic.twitter.com/hIPLBPXebp

— IGMH (@igmhmv) May 20, 2022

ޑރ.ޝާން އައިޖީއެމްއެޗުން ވަކިވުން ފާހަގަކުރުމަށް ބޭއްވި ހަފްލާގައި ގިނަ ޢަދަދެއްގެ ޑޮކްޓަރުންވެސް ބައިވެރިވިއެވެ. ރާއްޖޭގައި ޚާއްޞަކޮށް އައިޖީއެމްއެޗްގައި ގިނަ އަހަރުތަކެއް ވަންދެން މަސައްކަތްކުރެއްވުމަށްފަހު ޑރ.ޝާން އެހެން ޤައުމަކަށް ބަދަލުވާން ނިންމެވި ނިންމެވުޟާއެކު ގިނަބަޔަކަށް ވަނީ ހައިރާންކަން ގެނުވާފައެވެ. އަދި ޑޮކްޓަރަށް ކާމިޔާބީއަށް އެދިފައިވެއެވެ.

ގިނަ ބައެއްގެ މަޤްބޫލުކަން ހޯދާފައިވާ ޑރ.ޝާން އައިޖީއެމްއެޗްގެ އިތުރުން އަމިއްލަ ބައެއް ކްލިނިކް ތަކުގައިވެސް މަސައްކަތްކުރައްވާފައިވެއެވެ.