ގއ.ރަތަފަންދޫގެ ފެނާއި ނަރުދަމާގެ މަސައްކަތްކުރުމަށް ހަވާލުކޮށްފައިވ ީނަމަވެސް އެ މަސައްކަތް ފެށުން ލަސްވާތީ އެކަމުގެ ކަންބޮޑުވުން ފާޅުކުރައްވާ، އެ މަސައްކަތް އަވަސްކޮށްދެއްވުމަށް މޯލްޑިވްސް ޓްރޭޑް ޔޫނިއަންގެ ނާއިބު ރައީސް ސަޢުދުﷲ އަހްމަދު ގޮވާލައްވައިފިއެވެ.
ގިނަ ދުވަސްތަކަކަށްފަހު އަދި އެތައް އަހަރެއްގެ އިންތިޒާރަކަށްފަހު ރަތަފަންދޫގެ ގިރާ ސަރަހައްދު ހިމާޔަތްކުރުމުގެ މަސައްކަތް ސަރުކާރުން އެމްޓީސީސީއާއި ހަވާލުކޮށްފައިވުމުން އެކަމަށް އިޝާރާތްކުރައްވާ ސައުދު ވިދާޅުވީ ރަތަފަންދޫޫ ގިރާ ސަރަހައްދު ހިމާޔަތްކުރުމުގެ އަމަލީ މަސައްކަތް ފެށުމަށް އެމްޓީސީސީގެ ސީއީއޯ އާދަމް އާޒިމް ވިދާޅުވެފައިވާގޮތަށް ޖޫން މަހު މޮޮބިލައިޒް ކުރުމަށް މަސައްކަތްކުރާކަމަށެވެ. އެ މަސައްކަތް މިއަހަރު ނިމުމުގެ ކުރިން ގިރާ ސަރަހައްދު ހިމާޔަތްކޮށް ނިމޭނެކަމަށް އުއްމިދުކުރާކަމަށްވެސް ސައުދު ވިދާޅުވިއެވެ.
Hama mi gothah miadhu rahyithunge oih enme bodu eh kan bodu vumakee Rathafandhoo fenaai,narudhamaa,mikan havaalu kuri kunfuneen mikan nufeshi 8months.mikan avas koh dhinumakee rahyithunge varah bodu edhumeh.@faya_i @iameeru @AslamAslamtey
— Saudulla Ahmed (@saudullaahmed1) May 17, 2022
ސައުދު ވިދާޅުވީ ގިރާ ސަރަހައްދުގެ މަސައްކަތެކޭ އެއްގޮތަށް އެރަށުގެ ރައްޔިތުންގެ ދެން އޮތް އެންމެ ބޮޑު ކަންބޮޑުވުމަކީ އެރަށުގެ ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތްކުރުމަށް ބަޔަކާ ހަވާލުކޮށްފައި ވީނަމަވެސް، އެ މަސައްކަތް ނުފެށި 8 މަސްވެފައިވުންކަމަށެވެ. މިކަން އަވަސްކޮށްދިނުމަކީ ރައްޔިތުންގެ ވަރަށް ބޮޑު އެދުމެއްކަމަށް ސައުދު ވިދާޅުވިއެވެ.
ސަރުކާރުން އަންނަނީ 2023ގެ ނިޔަލަށް ރާއްޖޭގެ ހުރިހާ ރަށެއްގައި ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތް ކުރަމުންނެވެ. އޭގެ ތެރޭގައި ރަތަފަންދޫވެސް ހިމެނެއެވެ. ތަރަފަންދޫ ގިރާ ސަރަހައްދު ހިމާޔަތްކުރުމުގެ މަސައްކަތް 210 ދުވަސް ތެރޭ ނިންމުމަށް ވަނީ އެމްޓިސީސީއާއި ހަވާލުކޮށްފައެވެ. މި މަސައްކަތުގެ ދަށުން 461 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި 240 މީޓަރުގެ ސަރަހައްދެއްގައި ބޭރުތޮށި ލުމާއި 6،600 ކިއުބިކް މީޓަރުގެ ވެލި ގޮނޑުދޮށަށް އެޅުމުގެ މަސައްކަތް ހިމެނޭ ކަމަށް އެމްޓީސީސީން ވަނީ ބުނެފައެވެ.
ގދ.ރަތަފަންދޫ ގޮނޑުދޮށް ހިމާޔަށް ކުރުމުގެ މަޝްރޫއަކީ 27.84 މިލިއަން ރުފިޔާގެ މަޝްރޫއެކެވެ.
ކޮމެންޓު ފޮނުވާ