ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރު ހޮވުމަށް ބޭއްވި ބައި-އިލެކްޝަންގެ ވޯޓް އަލުން ގުނައި ދޭން އިލެކްޝަންސް ކޮމިޝަންގައި އެދުމަށް މޯލްޑިވްސް ނެޝަނަލް ޕާޓީ (އެމްއެންޕީ) އިން ނިންމައިފިއެވެ.

މިއަދު ކުރިއަށް ދިޔަ މި ބައި-އިލެކްޝަން ވާދަކޮށްފައިވަނީ ޕީޕީއެމްގެ ކެންޑިޑޭޓަކާއި އެމްއެންޕީގެ ކެންޑިޑޭޓެކެވެ. ޕީޕީއެމްގެ ފަރާތުން މިއިންތިޚާބުގައި ވާދަކުރަނީ ފާތިމަތު ނާޒިމާއެވެ. އެމްއެންޕީން ވާދަކުރަނީ އާމިނަތު ޝީޒާއެވެ.

އިންތިޚާބުގެ ވަގުތީ ނަތީޖާ ދައްކާގޮތުން 1 ވޯޓުގެ ތަފާތުން އިންތިޚާބު ކާމިޔާބުކޮށްފައިވަނީ ޕީޕީއެމްގެ ކެނޑިޑޭޓެވެ. އެގޮތުން އިންތިޚާބު ކާމިޔާބުކުރެއްވި ނާޒިމާއަށް ލިބިފައިވަނީ 359 ވޯޓެވެ. އަދި އެމްއެންޕީގެ ކެނޑިޑޭޓް ޝީޒާއަށް 358 ވޯޓުވަނީ ލިބިފައެވެ.

އެ ޕާޓިން ބުނީ ވޯޓު އަލުން ގުނައިދޭން އެދުމަށް ޕާޓީން ނިންމީ އެންމެ ވޯޓެއްގެ ފަރަގުން އިންތިހާބުގެ ނަތީޖާ ކަނޑައެޅުނުއިރު ވޯޓުގައި ގިނަ މައްސަލަތަކެއް ފާހަގަވެފައިވާތީ ކަމަށެވެ.

Miadhuge Wdc inthihaabuge vaguthee natheeja belumahfahu @MNP_Secretariat in alun recount akah dhiumah Elections Commssion @ElectionsMv ga edhen nimmaifi.

— Asr Ahmed (@AhmedAsrra) May 14, 2022

ޖުމްލަ 729 މީހަކު މިއަދުގެ ބައި-އިލެކްޝަންގައި ވޯޓުލާފައި ވާއިރު އޭގެތެރެއިން 12 ވޯޓަކީ ބާތިލް ވޯޓެވެ. އިލެކްޝަންސް ކޮމިޝަނުން ޢާންމުކޮށްފައިވާ މިއިންތިޚާބުގައި ވޯޓުލާ މީހުންގެ ފައިނަލް ލިސްޓުގައިވާގޮތުން މި އިންތިޚާބުގައި ވޯޓުދިނުމުގެ ޙައްޤު 2900 މީހަކަށް ވަނީ ލިބިފައެވެ.

މި އިންތިޚާބުގައި އެމްޑީޕީން ވާދަކުރަން ނިންމި ނަމަވެސް އެ ޕާޓީއަށް ފުރުސަތު ގެއްލުނީ ވަގުތު ހަމަވި ފަހުން ފޯމް ހުށައެޅުމުންނެވެ.

ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ މެމްބަރުކަމުގެ ގޮނޑި ހުސްވެފައިވަނީި ކުރިން އެމަގާމުގައި ހުންނެވި އެމްޑީޕީގެ އައިމިނަތު އީމާން ނިޔާވުމުންނެވެ. އީމާން ނިޔާވެފައިވަނީ މިދިޔަ ފެބްރުއަރީ މަހު ހިނގި ނުރައްކާތެރި އެކްސިޑެންޓެއްގައި ލިބުނު އަނިޔާތަކަށް ފަރުވާ ދެމުންދަނިކޮށް އޭޑީކޭ ހޮސްޕިޓަލުގައެވެ.