ބޭނުންވާ ބޮޑު މަޤާމު ނުލިބުމަކީ ދައުލަތް އޮރިޔާންކޮށްލަންޖެހޭ ސަބަބެއް ނޫންކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.

ނިހާދު މިހެން ވިދާޅުވެފައިމިވަނީ، އެމްޑީޕީގެ ޗެއަރޕާސަން އިންތިޚާބާއި ދިމާކޮށް އެޕާޓީ ދެބައިވެ ޚިޔާލުތަފާތުވުންތަކެއް އުފެދިފައިވާ ދަނޑިވަޅެއްގައެވެ. ނިހާދު ވިދާޅުވީ ތިމާ ބޭނުންވާ ބޮޑު މަޤާމް ނުލިބުމަކީ މުޅި ދައުލަތް އޮރިޔާން ކޮށްލަން ނިކުންނަން ޖެހޭ ސަބަބެއް ކަމުގައި ދެކޭނަމަ އެއީ އެ ވިއްކާ އަސާސްތަކާއި އުސޫލްތަކާއި ޙިލާފު ނަޒާހާތްތެރި ކަމެއްނެތް އަމިއްލަ އެދުންކަމަށެވެ.

ތިމާ ބޭނުންވާ ބޮޑު މަޤާމް ނުލިބުމަކީ މުޅި ދައުލަތް އޮރިޔާން ކޮށްލަން ނިކުންނަން ޖެހޭ ސަބަބެއް ކަމުގައި ދެކޭ ނަމަ އެއީ އެ ވިއްކާ އަސާސް ތަކާއި އުސޫލް ތަކާއި ޙިލާފު ނަޒާހާތްތެރި ކަމެއްނެތް އަމިއްލަ އެދުން! ACC ގެ ރައީސްކަން ނުލިބުމަކީ ސަރުކާރު ވައްޓާލަން ޖެހޭ ސަބަބެއްނޫން!

— Feydhoo Meehaa (Mohamed Nihad) (@nihad_m) May 9, 2022

ނިހާދު މިހެން ވިދާޅުވެފައިވާއިރު ޗެއަރޕާސަން އިންތިޚާބުގެ ވާދަވެރިކަން ބޮޑުވެ އިންތިޚާބުގައި ވާދަކުރައްވާ އިމްތިޔާޒް ފަހުމީގެ ކެމްޕެއިން ޓީމާއި ސަޕޯޓުކުރާ ބައެއް ފަރާތްތަކުން އަންނަނީ ވާދަވެރި ކެނޑިޑޭޓް އިކޮނޮމިކް މިނިސްޓަރ ފައްޔާޒް އިސްމާޢީލާއި ސަރުާރަށް ވަރަށް ބޮޑަށް ފާޑުވިދާޅުވަމުންނެވެ. ޚާއްޞަކޮށް އިންތިގެ ޓީމުން އަންނަނީ ސަރުކާރާއި ފައްޔާޒަށް ކޮރަޕްޝަނާއި ވައްކަމުގެ ތުހުމަތުތައް ކުރަމުންނެވެ.

އެމްޑީޕީގެ މެންބަރުންގެގޮތުގައި ތިބެ ބައެއް ފަރާތްތަކުން އެމްޑީޕީގެ މި ސަރުކާރަށް ފަޑުކިޔާތީ ބައެއް މެންބަރުންނާއި އިސް ބައެއް ބޭފުޅުން އަންނަނީ ކަންބޮޑުވުން ފާޅުކުރަމުންނެވެ.

އެމްޑީޕީގެ ޗެއަރޕާސަން އިންތިޚާބު އޮންނަނީ އަންނަ ހޮނިހިރު ދުވަހުއެވެ.