ޓީޗަރުންގެ މުސާރައާއެކު ލެކްޗަރާއިންގެ މުސާރަވެސް ބޮޑުކުރަންޖެހޭކަމަށް މަޑުއްވަރީ ދާއިރާގެ މެންބަރު އާދަމް ޝަރީފް ވިދާޅުވެއްޖެއެވެ. އޭނާ މިހެން ވިދާޅުވީ ޓީޗަރުންގެ މުސާރަ ބޮޑުކުރިނަމަވެސް ލެކްޗަރައިންގެ މުސާރަ ބޮޑުނުކުރާތީ ލެކްޗަރާއިން ކަންބޮޑުވުން ފާޅުކުރުމާއި ގުޅިގެންނެވެ. އާދަމް ޝަރީފަކީ ތަޢުލީމީ ދާއިރާއަށް ވަރަށް ގިނަ ދުވަހު އަގުހުރި މަސައްކަތްތަކެއް ކުރައްވާފައިވާ ބޭފުޅެއްވެސްމެއެވެ.
އެކަމުގެ ކަންބޮޑުވުން ފާޅުކުރައްވާ އާދަމް ޝަރީފް ވިދާޅުވީ ޤައުމީ ތަރައްޤީއަށްޓަކައި، ޓީޗަރުންނެކޭ އެއްފަދައިން ޓީޗަރުން ތަމްރީންކުރާ މީހުންގެ ދައުރު ބޮޑުވާނެކަން ސިކުނޑި ހަމަޖެހޭ ކޮންމެ މީހަކަށް އެނގޭނެކަމަށެވެ. ޓީޗަރުންގެ މުސާރަ ބޮޑުކުރިއިރު ލެކްޗަރާއިން ބާކީކޮށްލުމަކީ ދެރަކަމެއްކަމަށްވެސް އާދަމް ޝަރީފް ވިދާޅުވިއެވެ. އޭނާ ވަނީމުދައްރިސުންގެ މުސާރާއެކު ލެކްޗަރާއިންގެސް މުސާރަވެސް ބޮޑުކުރުމަށް ގޮވާލައްވާފައެވެ.
Qaumee tharaqqee ahtakai, teacherunnekey ehfadhain teachers thamreen kuraa meehunge dhauru boduvaanekan sikundi hamajehey komme meehakah engeyne! Teachers musaara bodukuriiru Lecturers baakee kollumakee dherakameh. Mudharrisunge musaara aaieku Lecturers ge musaara bodukuranjehey.
— Adam Shareef Umar (@Adamshareefz) May 3, 2022
ޓީޗަރުންގެ މުސާރަ ބޮޑުކުރުމާއި ގުޅިގެން ޓީޗަރުންނަށް އުނގަންނައިދޭ ލެކްޗަރާއިންނަށްވުރެ ޓީޗަރުންގެ މުސާރަ ބޮޑުވާނެއެވެ. ލެކްޗަރާ އޮންލައިން ނޫސް މިހާރާއި ވާހަކަ ދައްކަމުން ބުނެފައިވާގޮތުގައި މުޅި ގައުމުގެ އެންމެންނަށް ކިޔަވައިދެނީ އެ މީހުންނެވެ. ޓީޗަރުންނާއި ނަރުހުންނާއި ޑޮކްޓަރުންނާއި ވަކީލުންނާއި އިންޖިނޭރުންނާއި އާކިޓެކްޓުން ނުވަތަ ގައުމަށް ބޭނުންވާ އެންމެން ބިނާކުރަނީ އެ މީހުންނެވެ. ކިޔަވައި ދިނުމުގެ އިތުރުން ބޮޑެތި އިލްމީ ދިރާސާތައްހަދައެވެ. ނަމަވެސް އެ ލެކްޗަރައިންނަށްވުރެ ޓީޗަރުންނާއި އެހެން ދާއިރާތަކުގެ މުސާރަތައްވެސް ބޮޑެވެ.
ޓީޗަރުންގެ މުސާރަ ބޮޑުކުރައްވާ ރައީސް ވަނީ ރާއްޖޭގެ ހުރިހާ ދާއިރާއެއްގެ މުސާރަވެސް އެއްހަމަކުރުމަށް މަސައްކަތްކުރައްވަމުން ގެންދަވާކަމަށެވެ.
