އޭޝިއާ ބައްރުގެ އެންމެ މޮޅު ޑިޕްލޮމެޓަކަށް ދިވެހިރާއްޖޭން އިނގިރޭސިވިލާތަށް ކަނޑައަޅުއްވާފައި ހުންނަވާ ސަފީރު ޑރ. ފަރަހަނާޒް ފައިސަލް ހޮވިއްޖެއެވެ.
ޑރ.ފަރަހަނާޒް ފައިސަލް އަލީ އިންޓަރނޭޝަނަލް މެރިޓައިމް އޯގަނައިޒޭޝަނަށް، އައިއެމްއޯއަށް ދިވެހިރާއްޖެއިން ކަނޑައަޅާ ދާއިމީ މަންދޫބުވެސް މެއެވެ. އިނގިރޭސި ވިލާތުގެ ޑިޕްލޮމެޓިކް މެގަޒިން އިން ކޮންމެ އަހަރަކު ހޮވާ މި އެވޯޑަށް ޑރ.ފަރަހަނާޒު ހޮވުނީ އޭޝީއާއި އަދި އޯޝޭނިއާގެ ޤައުމުތަކުގެ ޑިޕްލޮމެޓުންނާއި ވާދަކުރުމަށް ފަހުއެވެ. ޑރ.ފަރަހަނާޒް އަށް މިއެވޯޑް ހަވާލުކޮށްދެއްވީ މިކަމަށްޓަކައި ބޭއްވި ޚާއްސަ ރަސްމިއްޔާތެއްގައި، އިނގިރޭސިވިލާތުގެ ޑިޕްލޮމެޓިކް ކޯގެ މާޝަލް ކަމަށްވާ ވިލިއަމް އެލިސްޓާ ހެރިސަންއެވެ.
Congratulations ???????? High Commissioner to the UK @DrFarahFaizal for being awarded the
2022 #Diplomat of the Year for #Asia & Oceania Award.Your work in promoting & safeguarding the interests of Maldives is always exceptional! Proud of your achievements!
#DiplomatAwards2022 pic.twitter.com/4iFSnqLxgs
— Abdulla Shahid (@abdulla_shahid) April 26, 2022
ޑރ.ފަރަހަނާޒަށް މިއެވޯޑް ލިބުމާއި ގުޅިގެން ރާއްޖޭގެ ފޮރިން މިނިސްޓަރ އަބްދުﷲ ޝާހިދު ވަނީ އެކަމަނާއަށް މަރުހަބާ ވިދާޅުވެފައެވެ. މިނިސްޓަރ ޝާހިދު ކުރެއްވި ޓުވީޓުގައި ވަނީ ރާއްޖޭގެ މަސްލަހަތު ހިމާޔަތްކޮށް ކުރިއެރުވުމަށް ޑރ.ފަރަހަނާޒް ކުރައްވާ މަސައްކަތަށް ތަޢުރީފް ކުރައްވާފައެވެ.
ދިވެހި އަންހެން ބޭފުޅުންގެ ތެރެއިން އެންމެ ފުރަތަމަ ޕީއެޗްޑީ ހާސިލުކުރެއްވި ޑރ. ފަރަޙްނާޒް ޕީއެޗްޑީ ހާސިލްކުރެއްވީ ޕޮލިޓިކްސްގެ ދާއިރާއިން، އިނގިރޭސިވިލާތުގެ ޔުނިވަރސިޓީ އޮފް ހަލް އިންނެވެ. އެކަމަނާ މިހާރުވެސް ގެންދަވަނީ އިނގިރޭސިވިލާތުގެ ސަފީރުގެ އިތުރުން އަޔަލެންޑާއި ސްޕެއިން އަދި ފްރާންސްގެ ނޮން ރެސިޑެންޝަލް ސަފީރުގެ މަގާމު ވެސް ފުރުއްވަމުންނެވެ. މީގެ ކުރިންވެސް ޑރ. ފަރަޙްނާޒް ވަނީ، އިނގިރޭސިވިލާތަށް ދިވެހިރާއްޖެއިން ކަނޑައަޅާފައި ހުންނަވާ ސަފީރުކަމާއި، ޑެންމާކް، ފިންލެންޑް، ފަރަންސޭސިވިލާތް، ނޯވޭ، ސްޕެއިން އަދި ސްވިޑްން އަށް ދިވެހިރާއްޖެއިން ކަނޑައަޅާފައި ހުންނަވާ ނޮން-ރެޒިޑެންޓް އެމްބެސެޑަރކަން ކުރައްވާފައެވެ.
ކޮމެންޓު ފޮނުވާ