ރިސޯޓްތަކުގެ ބިމުކުލި ކުޑަކުރުމަށް ސަރުކާރުގެ ފަރާތުންމަޖިލީހަށް ހުށައަޅާފައިވަނީ މިނިވަން ވޭޖުގެ ސަބަބުން ލިބުނު ގެއްލުމަށް ލުޔެއް ދިނުމަށް ނޫންކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރާއްޖޭގެ އެކި ސަރަހައްދުތަކުގައި ރިސޯޓްތަކުން ނަގާ ކުލި ކުޑަކުރުމަށް ޓޫރިޒަމްގެ ޤާނޫނަށް ސަރުކާރުން ވަނީ އިޞްލާހުތަކެއް ހުށައަޅާފައެވެ. އެ އިސްލާހުތައް ހުށައެޅީ މިނިމަމް ވޭޖުގެ ސަބަބުން ލިބުނު ގެއްލުމުގެ އަސަރު ކުޑަކުރުމަށްކަމަށް ބުނެފައިވެއެވެ. އެ ބިލަށް މަޖިލީހުގައި ކުރެވުނު ބަހުސްގައި ބައެއް މެންބަރުން ވަނީ މިނިމަމް ވޭޖުގެ ސަބަބުން އަސަރުކުރީ ހަމައެކަނި ޓުރިޒަމްގެ ސިނާއަތަށް ނޫންކަމަށެވެ. މިއީ ބައެއް މުއްސަނދި މަހުޖަނުންނަށް ބަދަލު ދިނުމަށް ގެނަން އިސްލާހެއްކަމަށް ބައެއް މެންބަރުން ތުހުމަތުކުރެއްވިއެވެ.
މި އިޞްލާހަށް މަޖިލީހުގައި ކުރެވުނު ބަހުސްގެ ތެރެއިން މަޖިލީހުގެ ރައީސް މުޙައްމަދު ނަޝީދު ވިދާޅުވީ، ޓޫރިޒަމްގެ ޤާނޫނަށް އިޞްލާހު ހުށައެޅީ މިނިމަމް ވޭޖްގެ ސަބަބުން ލުޔެއް ދޭންކަމަށް އެ ބިލުގައި ބުނެފައިވީނަމަވެސް އެކަން ސާފުނުވާކަމަށެވެ. އެއީ މިނިމަމް ވޭޖާ އެއްވެސް ގުޅުމެއް އޮތް ބިލެއް ނޫންކަމަށްވެސް ނަޝީދު ވިދާޅުވިއެވެ.
ސަރުކާރުން ވަނީ މިއަހަރު ފެށުނުއިރު މިނިމަމް ވޭޖު ކަނޑައަޅާފައެވެ. ރާއްޖޭގައި ދެވޭ އެންމެ ކުޑަ އުޖޫރައިގެ ގޮތުގައި ސަރުކާރުން ކަނޑައަޅާފައިވަނީ 4،500 ރުފިޔާއެވެ. އަދި ވަޒީފާ އަދާކުރާ ފަރާތްތަކަށް ހައްގުވާ އެންމެ ކުޑަ އުޖޫރަތައް ގިންތި ތަކަކަށް ބަހާލެވިފައިވާއިރު، ސަރުކާރުން އާންމު ކުރި އުސޫލުގެ މަތިން އެންމެ ކުޑަ އުޖޫރަތައް ބަހާލެވިގެން ގޮސްފައިވަނީ ތިރީގައި މިވާ އުސޫލުންނެވެ.
– ކުދި ވިޔަފާރިތަށް، 4،500 ރުފިޔާ
– މެދުފަންތީގެ ވިޔަފާރިތަކަށް 7،000 ރުފިޔާ
– ބޮޑެތި ވިޔަފާރިތަޔަށް 8،000 ރުފިޔާ
– ބަޕްލިކް ސެކްޓަރ އަށް 7،000 ރުފިޔާ
އެންމެ ކުޑައުޖޫރަ ކަނޑައެޅުމާއިއެކު، ރާއްޖޭގެ ގޭބިސީތަކުގެ ކުލި ބޮޑުވެ، ޒަރޫރީ ބޭނުންމަށް ބޭނުންވާ ތަކެތީގެ އަގުދަނީ އިންތިހާއަށް ބޮޑުވަމުންވެެ.
