މި އަހަރުގެ މާރިޗު މަހުގައި ބަނޑުބޮޑުކަން އިއުލާން ކުރި ބޮލީވުޑް ބަތަލާ ސޯނަމް ކަޕޫރް އޭނާގެ ޕްރެގްނެންސީ ޖާނީއާ ބެހޭގޮތުން ވާހަކަ ދައްކައިފިއެވެ.
މިދިޔަ މަހުގެ 21 ގައި އިންސްޓަގްރާމްގައި ހިއްސާ ކުރި ހާއްސަ ފޮޓޯ ޝޫޓަކާއެކު ދަރިއަކު ލިބެން އުޅޭކަން ސޯނަމް ވަނީ އިއުލާން ކޮށްފައެވެ.
ސޯނަމް ބުނި ގޮތުގައި ބަނޑުބޮޑުވެގެން މި ވޭތުވެ ދިޔަ ތިން މަސް ދުވަހަކީ ވަަރަށް "ޓަފް" ދުވަސްތަކެއް ކަމަށެވެ.
" ކޮންމެ ހަފްތާއަކު ހަށިގަނޑަށް ބަދަލު އާދޭ. ނިދި ގިނަ ވުމާއި ނިދި ނައުމާ މިހެން ގޮސް ބައިވަރު ކަންކަން ވޭ. އެއްވެސް މީހަކު މި ދުވަސްތަކުގައި ދިމާވާނެ ގޮތްތަށް ކިޔައެއް ނުދޭ."
– ސޯނަމް
ސޯނަމް ބުނީ މި ހުރިހާ ކަމެއްގެ ތެރެއިންވެސް އޭނާ އަކީ ވަރަށް އަވަހަށް މަންމަ އަކަށް ވާން އުޅޭ މީހެއްކަން އެނގޭތީ ވަރަށް އުފާވާ ކަމަށާއި އޭނާ ހުރީ މަންމަ އަކަށް ވުމަށް ކެތް މަދުވެފައި ކަަމަށެވެ.
އަދި ދަރިއަކު ހޯދަން އުޅެނީ ދަރިއަކު އެންމެ ބޭނުން ވި ވަގުތު ކަމަށާއި މިއީ ވަރަށް ބޮޑަށް ޕްލޭންކޮށްގެން ހޯދާ ކުއްޖެއް ކަމަށް ވެސް އޭނާ ވަނީ ބުނެފައެވެ.
ސޯނަމް އާއި އާނަންދު އަހޫޖާ ކައިވެނިކުރީ 2018 ވަނަ އަހަރުގެ މެއި 8 ގައެވެ. އޭގެފަހުން އޭނާ ވަނީ ވަރަށް ބޮޑަށް ފިލްމުތަކުން ފެނުން މަދުވެފައެވެ. އަދި ދިރިއުޅެމުން އައީ ފިރިމީހާ އާއެކު ލަންޑަނުގައެވެ.
