އެމްޑީޕީގެ އަންހެނުންގެ ރޫހުގެ ރައީސްކަމަށް އައްޑޫ މީދޫ ދާއިރާގެ ރޮޒައިނާ އާދަމަށްވުރެ ޤާބިލު ބޭފުޅަކު ނުފެންނަކަމަށް ތުޅާދޫ ދާއިރާގެ މެންބަރު ޙިސާން ޙުސައިން ވިދާޅުވެއްޖެއެވެ.
ރޮޒައިނާގެ ކެމްޕެއިން އިވެންޓެއްގައި ވާހަކަފުޅު ދައްކަވަމުން ޙިސާން ވިދާޅުވީ، އަންހެނުން ބާރުވެރިކުރެވޭނީ ސިޔާސި ގޮތުން އުރައްޕެއްހުރެ ތިމާގެ ދެފައިގެ މައްޗަށް އަމިއްލަ ހައްޓައިގެން ކޮޅަށް ތެދުވެ ހުރެވޭނެ މީހަކަށްކަމަށާއި އެއީ ރޮޒައިނާ އާދަމްކަމަށެވެ. ރޮޒައިނާއަކީ މުޅި ކެރިއަރުގައި ސިޔާސީ ކަންކަމުގައި މަސައްކަތްކުރައްވަމުން އައި ބޭފުޅެއްކަަމަށްވެސް ހިސާން ވިދާޅުވިއެވެ.
Thank you @hisaanhussain for your support ❤️❤️❤️ pic.twitter.com/e2ZNbo27Gh
— ???????? ???????????????????????????? ???????????????? ???? (@Roxeyna) April 15, 2022
ހިސާން ގެންދަވަނީ ޗެއަރޕާސަންކަމަށް ވާދަކުރައްވާ އިކޮނޮމިކް މިނިސްޓަރ ފައްޔާޒް އިސްމާއީލަށާއި، އަންހެނުންގެ ރޫހުގެ ރައީސްކަމށް ރޮޒައިނާ އިންތިޚާބުކުރުމަށް ރަށްރަށަށް ވަޑައިގެން ކެމްޕެއިން ކުރައްވަމުންނެވެ.
ނަޝީދުގެ ގާނޫނީ ވަކީލް، މެމްބަރު ހިސާން ހުސެއިންގެ ތާއީދުވެސް ފައްޔާޒަށް
ވާދަވެރި ކެމްޕޭންގައި ރައީސް ސާލިހުގެ ތާއީދު ފައްޔާޒު އިސްމާއިލަށް އޮތްއިރު، ނަޝިދު ވަނީ އިމްތިޔާޒު ފަހުމީއަށް ތާޢީދު ކުރައްވާކަން ހާމަކޮށް، ކެމްޕޭނުގައި އެއްވެސް މުވައްޒިފަކަށް ވަޒީފާގެ ބިރު ދައްކައިފިނަމަ، ފާޅުގައި އިމްތިޔާޒު ފަހުމީގެ ކެމްޕޭންގައި ނިކުންނަވާނޭ ކަމުގެ އިންޒާރުވެސް ދެއްވާފައެވެ.
އެމްޑީޕީގެ ލީޑަރޝިޕްގައި ހިމެނޭ، ނަޝީދުގެ އަރިސް ގިނަ ބޭފުޅުން އަމަލީގޮތުން ކެމްޕޭން ކުރައްވަމުން ގެންދަވަނީ އިމްތިޔާޒު ފަހުމީއަށެވެ.
އިންތިޚާބު އޮންނާނީ އަންނަ މަހުގެ 14ގައެވެ.
