ކާރު އެކްސިޑެންޓެއްގައި މިދިޔަ ހޯމަ ދުވަހު ޒަހަމްވެ، ސިކުނޑި މަރުވެގެން، ފަރުުވާދެމުން ދަނިކޮށް ރެއާލް މެޑްރިޑުގެ ކުރީގެ މިޑްފީލްޑަރު ފްރެޑީ ރިންކޮން 55 އަހަރުގައި މަރުވެއްޖެއެވެ.
ނުރައްކާތެރި އެކްސިޑެންޓާއި ގުޅިގެން ރިންކޯން އަށް ފަރުވާ ދިން ކާލީގައި ހުންނަ އިމްބަނާކޯ ކްލިނިކްގެ މެޑިކަލް ޑިރެކްޓަރު ލައުރިއާނޯ ކުއިންޓޭރޯ ބުނީ އޭނާގެ ޓީމުން ރިންކޯން ސަލާމަތް ކުރަން މަސައްކަތް ކުރި ނަމަވެސް އޭނާގެ ފުރާނަ ސަލާމަތްވާ ގޮތް ނުވި ކަމަށެވެ. ކޮލަމްބިއާގެ ފުޓްބޯޅަ ފެޑެރޭޝަން، އެފްސީއެފް އިން ވަނީ ރިންކޮންގެ މަރާއި ގުޅިގެން ހިތާމަ ފާޅުކޮށް ޓުވީޓެއްވެސް ކޮށްފައެވެ. އެ ފެޑެރޭޝަނުން ބުނީ ރިންކޯން މަތިން ހަނދާން ކުރާކަމަށެވެ. އަދި ވަކިވެގެން ދިޔައީ މޮޅު ކުޅުންތެރިއެއްކަން ފާހަގަ ކޮށްފައި ވެއެވެ.
ރިންކޮން އަކީ ކޮލަމްބިއާގެ ރަން ޖީލްގެ ކުޅުންތެރިންގެ ތެރޭގައި ހިމެނޭ ކުޅުންތެރިޔެކެވެ. އޭނާއާ އެކު ކޮލަމްބިއާ ޓީމަށް ކުޅުނު ކުޅުންތެރިންގެ ތެރޭގައި ކާލޯސް ވަލްޑެރާމާ، ފައުސްޓިނޯ އަސްޕްރިލާ، އެޑޮލްފޯ ވެލެންސިއާ، ވިލްސަން ޕެރޭޒް، އޮސްކާ ކޮރްޑޯބާ ފަދަ ކުޅުންތެރިން ހިމެނެއެވެ.
ރިންކޮންގެ ފުޓްބޯޅަ ކެރިއާއަށް ބަލާއިރު، ބްރެޒިލްގެ އައުޓްފިޓް ޕަލްމެއިރާސްއާ ގުޅުމުގެ ކުރިން އޭނާ ވަނީ ކޮލަމްބިއާގެ ދެ ކުލަބު ކަމަށްވާ ސަންޓާ ފާ އާއި އެމިރިކާއާ ގައިވެސް މަސައްކަތް ކޮށްފައެވެ. 1995 ވަނަ އަހަރު ނަޕޯލީއާއެކު ލޯން އުސޫލުން ރެއާލް މެޑްރިޑާއެކު ސޮއިކުރިއިރު، އޭނާ ވަނީ ދެކުނު އެމެރިކާއަށް އެނބުރި އައުމުގެ ކުރިން ބެރުނަބޭއުގައި ދެ ސީޒަން ހޭދަކޮށްފައެވެ.
2000 ވަނަ އަހަރު އޭނާ ވަނީ ބްރެޒިލްގެ ސައިޑް ކޮރިންތިއަންސްގެ ކެޕްޓަންކަން ކޮށް، ކްލަބް ވޯލްޑް ޗެމްޕިއަންޝިޕްގެ ފުރަތަމަ ތަށި އުފުލާލާފައެވެ.
ކޮމެންޓު ފޮނުވާ