އޭއެފްސީ ފުޓްސަލް މުބާރާތުގެ ކޮލިފައިންގައި ރާއްޖެ މިއަދު އީރާން އާއި ކުޅެ ތަފާތު ބޮޑުކޮށް ބަލިވެއްޖެއެވެ.
ރާއްޖެ ގްރޫޕް އޭގައި އިރާންގެ އިތުރުން ތުރުކުމެނިސްތާން އަދި ކިރްގިސްތާންއެވެ. މި ޒޯނުގެ ގްރޫޕް ބީގައި ހިމެނެނީ އުޒްބެކިސްތާން، ތަޖިކިސްތާން، އަފްގާނިސްތާން އަދި ނޭޕާލްއެވެ. މިއަދު ކުޅު ނެޗުގެ ފުރަތަަމަ ހާފުގައި އީރާނުން ވަނީ ރާއްޖެ ކޮޅަށް 7 ގޯލު ޖަހާފައެވެ. ފަހު ހާފުގައި އީރާނުން ވަނީ 10 ގޯލް ޖާހަފައެވެ. މި މެޗުގައި ރާއްޖެއަށް ގޯލް ޖަހަން ދެތިން ފުރުސަތެއް ލިބި ވަނީ ބޭކާރު ވެފައެވެ.
ކޮލިފައިންގެ މެޗުތައް:
އީރާން – ރާއްޖެ (10 އޭޕްރީލް)
ރާއްޖެ – ކިރްގިސްތާން (11 އޭޕްރީލް)
ތުރުކުމެނިސްތާން – ރާއްޖެ (12 އޭޕްރީލް)
ގްރޫޕްގެ މެޗުތައް ނިމޭއިރު، ގަދަ ދެ ޓީމުގެ ތެރޭގައި ރާއްޖެ ހިމެނިއްޖެނަމަ ފުޓްސަލް އޭޝިއަން ކަޕަށް ރާއްޖެ ކޮލިފައިވާނެއެވެ. އެ މުބާރާތް އޮންނާނީ މި އަހަރު ފަހުކޮޅުގައި ކުވޭތުގައެވެ.
ގައުމީ ފުޓްސަލް ޓީމުން މިދިޔަ މަހު ތައިލެންޑްގައި ބޭއްވި އިންވިޓޭޝަނަލް ކަޕަށް ފަރިތަކުރުންތައް ބޭއްވީ އެފްއޭއެމްގެ މިނީ ޓާފާއި ގިޔާސުއްދީން ސްކޫލް ހޯލްގައި ހުރި މެޓް ދަނޑުގެ އިތުރުން ޕީކޭ ސަރަަހައްދު ފުޓްސަލް ދަނޑުގައެވެ. ސަރުކާރުތަކުން މާލޭގައި އަޅާފައިވާ ޓާފް ދަނޑުތަކަކީ އިންޓަނޭޝަނަލް ފުޓްސަލް ކުޅެން ބޭނުންވާ ސައިޒުގެ ދަނޑުތަކެއް ކަމަށް ނުވާތީ ބައިނަލްއަގުވާމީ މުބާރާތަކަށް ތައްޔާރުވާން އެ ތަންތަނުގައި ޕްރެކްޓިސް ނުކުރެވެއެވެ.
ރަނގަޅު ޕިޗެއްގައި ޕްރެކްޓިސް ކުރަން ނުލިބި އޮއްވައި، ފަހު ވަގުތު ޕްރެކްޓިސްތައް ކުރިއަށް ގެންދަން ލިބުނީ ހިރިޔާ ސްކޫލް ހޯލެވެ. މުބާާރާތަށް ފަރުުމާ ހަމައަށް ގައުމީ ފުޓްސަލް ޓީމުގެ ޕްރެކްޓިސްތައް ފަހުން ކުރިއަށް ދިޔައީ ހިރިޔާ ސްކޫލްގައެވެ. މިއީ ހިރިޔާ ސްކޫލް މެނޭޖްމަންޓާ މަޝްވަރާކޮށް، އެފްއޭއެމުން ހަމަޖައްސައިދިން ތަނެކެވެ.
އޭޝިއަން ފުޓްސަލް ކަޕްގެ ކޮލިފައިން އަކީ 2017 ވަނަ އަހަރު ތުރުކުމެނިސްތާންގައި ކުޅުނު އޭޝިއަން އިންޑޯ ޗެމްޕިއަންޝިޕަށް ފަހު ރާއްޖޭގެ ފުޓްސަލް ޓީމެއް ބައިނަލްއަގުވާމީ ރަސްމީ މުބާރާތެއްގައި ކުޅޭނެ ފުރަތަމަ ފަހަރެވެ.
