ކޮންމެ އަހަރަކު ސައުދީ ސަރުކާރުން ރާއްޖެއަށް ހަދިޔާ ކުރާ ކަދުރު މިއަހަރު ލިބޭނީ ރޯދަމަހުގެ ފަހުދިހައިގައިކަމަށް އިސްލާމިކް މިނިސްޓްރީން ބުނެފިއެވެ.
އެ މިނިސްޓްރީން ބުނީ، މިއަހަރު ކަދުރު ލިބުމުގައި ލަސްވާ ސަބަބެއް ނޭނގޭކަމަށެވެ.
ކޮންމެ އަހަރެއްގެ ރަމަޟާން މަހާއި ދިމާކޮށް ސައުދީން ރާއްޖެއަށް ކަދުރު ހަދިޔާކުރެއެވެ. ސަޢުދި ޢަރަބިއްޔާއިން މިދިޔަ އަހަރުވެސް ވަނީ ރާއްޖެއަށް 25 ޓަނުގެ ކަދުރު ހަދިޔާކޮށްފައެވެ. މިއީ ކުރީ އަހަރުތަކާއި އަޅާބަލާއިރު މަދު ޢަދަދެކެވެ. މީގެކުރިން ސަޢުދީން ރާއްޖެއަށް ހަދިޔާކުރަނީ 50 ޓަނުގެ ކަދުރެވެ.
ސަޢޫދީން ހަދިޔާކުރާ ކަދުރު މިހާރު ބަހަމުން ގެންދަނީ ފަޤީރުންނަށް އިސްކަން ދީގެންނެވެ.
