ދެވަނަ ކައިވެނި ވެސް ރޫޅާ ލެވުމަކީ ހަޔާތުގައި ހެދުނު އެންމެ ބޮޑު ގޯސްކަމަށް އެކްޓަރު އާމިރު ޚާން ބުނެފިއެވެ.
އާމިރާއި ކިރަން ރާއޯ ދިމާވީ ފިލްމު "ލަގާން"ގެ ސެޓުން 2001 ވަނަ އަހަރުއެވެ. މި ފިލްމްގެ ލީޑުން އާމިރު ފެނިގެން ދިއައިރު ކިރަން އެސިސްޓެންޓް ޑައިރެކްޓަރެއްގެ ގޮތުގައި ފިލްމު އިންޑަސްޓްރީއަށް ތައާރަފްވީ މި ފިލްމުންނެވެ.
އާމިރުގެ ދެވަނަ ކައިވެނި، ކިރަން އާއި އާމިރުގެ ކައިވެނި ރޫޅާލިކަން އިއުލާން ކުރީ މިދިއަ އަހަރުއެވެ. މި ކައިވެނިން އެމީހުންނަށް ވަނީ ފިރިހެން ކުއްޖެއް ވެސް ލިބިފައެވެ.
އާމިރާއި ކިރަންގެ 15 އަހަރުގެ ކައިވެނި ރޫޅާލި އިރު ކައިވެނި ނިމުމަކަށް އައި ސަބަބެއް އެ ދެމީހުންކުރެ އެކަކުވެސް ހާމަކޮށްފައެއް ނުވެއެވެ.
ކައިވެނި ރޫޅަލިކަން އިއުލާން ކުރަމުން އާމިރު ނެރެފައިވާ ބަޔާނުގައި ބުނެފައިވަނީ އެމީހުންގެ ކައިވެނި ނިމުމަކަށް ގެނައި ނަމަވެސް ދެމީހުންވެސް ގާތް ރަހުމަތެރިންގެ ގޮތުގައި ދެމިތިބޭނެ ކަމަށާއި ދަރިންގެ ކަންކަމުގައިވެސް ދެމީހުން އެކަކު އަނެކަކަށް އެއްބާރު ލުން ދޭނެކަމަށެވެ.
ކައިވެނި ނިމުނުކަން އިއުލާން ކުރި އިރު ކިރަން އާއި އާމިރު ދިއައީ ފިލްމއއްގެ މަސައްކަތް ކުރަމުންނެވެ. އެއީ މި އަހަރު ރިލީޒް ކުރުމަށް ތާވަލް ކޮށްފައިވާ "ލާލް ސިންގ ޗައްޑާ" އެވެ.
މި ފިލްމްގެ ލީޑުން އާމިރު ފެނިގެން ދާއިރު ކިރަން އަކީ މި ފިލްމްގެ އެއް ޕްރޮޑިއުސަރެވެ.
އާމިރުގެ ފުރަތަމަ ކައިވެނި ރޫޅުނު އިރު އެކައިވެނިންވެސް އާމިރަށް ވަނީ އަންހެން ކުއްޖަކާއި ފިރިހެން ކުއްޖަކު ލިބިފައެވެ. ރީނާ ދަތާއި އާމިރު ކައިވެނި ރޫޅުނީ 16 އަހަރަށް ފަހުގައެވެ.
