މި މަހުގެ 25ގައި ރިލީޒް ކުރުމަށް ތާވަލް ކޮށްފައިވާ މި އަހަރުގެ އުންމީދީ އެއް ފިލްމު "އާރްއާރްއާރް" ރިލީޒް ކުރާތާ، 75 ދުވަހާއި 90 ދުވަހާއި ދެމެދުގެ މުއްދަތެއްގެ ތެރޭގައި ނެޓްފްލިކްސް އިން ސްޓްރީމް ކުރޭވޭނެ ގޮތަށް ހަމަޖައްސައިފިއެވެ.
ސިނަމާ ތަކުގައި ފިލްމު ރިލީޒް ކުރި ނަމަވެސް ފަހަކަށްއައިސް ގިނަ ސިނަމާގައި އެޅުވުމަށްފަހު އޯޓީޓީ ޕްލެޓްފޯމް ތަކުގައި ވެސް ރިލީޒްކުރެއެވެ.
ސައުތުގެ ސުޕަރސްޓާރުން ކަމުގައިވާ ރާމް ޗަރަން އާއި އެންޓީއާރް ޖޫނިއާ އެކުގައި މިފިލްމުން ފެނިގެންދާއިރު އަންހެން ތަރިއަކީ ބޮލީވުޑްގެ ބަތަލާ އާލިއާ ބަޓެވެ. އަދި މުހިންމު ރޯލަކުން އަޖޭ ދޭވްގަން ވެސް ފެނިގެން ދާނެއެވެ.
މި ފިލްމަކީ "ބާހޫބަލީ" ފަދަ ފިލްމުތައް ގެނެސްދިން ބްލޮކްބާސްޓަރ ޑައިރެކްޓަރ އެސްއެސް ރާޖަމޯލީގެ ފިލްމެކެވެ. އެހެން ވުމާއެކުވެސް މި ފިލްމަށް ކުރުވޭ އުންމީދު ބޮޑެއެވެ.
އަނެއް ކޮޅުން މި ފިލްމު ހަދަން ގާތްގަނޑަކަށް 400 ކްރޯޑް އިންޑިއާ ރުޕީސް ހަރަދުކޮށްފައިވެއެވެ.
ބޮލީވުޑަގައި މިހާރު އެންމެ ކާމިޔާބު ހޯދަމުން އަންނަ އާލިއާ ބަޓްގެ "ގަންގޫބާއި ކަތިއަވަޅީ" ވެސް މަހެއްހާ ދުވަސް ފަހުން ނެޓްފްލިކްސް އިން ސްޓްރީމް ކުރަން ފެށުމަށް ވަނީ ހަމަޖެހިފައެވެ.
