ކިއާރާ އަދުވާނީ ނުކުޅެ ދޫކޮށްލި، މުރާދު ކޭތާނީ ޕްރޮޑިއުސްކުރާ ވިމެން ސެންޓަރިކް ފިލްމު "އަޕުރުވާ" އަށް ތާރާ ސުތާރިއާ ސޮއިކޮށްފިއެވެ.
މި ފިލްމަކީ އަންހެނެއްގެ ހަޔާތުން ހޭދަވާ އެއްދުވަސް ދައްކުވައިދޭ ފިލްމެކެވެ. މި ތުރިލާ އަކީ ތާރާ ކުޅޭ ވިމެން ސެންޓަރިކް ފުރަތަމަ ފިލްމެވެ.
ތާރާ އެންމެ އަވަހަށް ދެން ފެންނާނީ އޭޕްރީލް 29 ވަނަ ދުވަހަށް ތާވަލުކޮށްފައިވާ "ހީރޯޕަންތީ 2″ އިންނެވެ. މި ފިލްމުން ތާރާ ފެނިގެންދާނީ ޓައިގާ ޝްރޮފްއާއެކުގައެވެ.
ކިއާރާ މި ފިލްމު ދޫކޮށްލީ އޭނާ މިހާރު ކުޅެމުން އަންނާ ފިލްމަކީވެސް ވިމެން ސެންޓަރިކް ފިލްމަކަށް ވާތިއެވެ. އޭނާ މިހާރު ކުޅެމުންއަންނީ މަޝްހޫރު ޕާޕަރު އުފައްދާ ކުންފުނި ކަމުގައިވާ ލިޖަތުގެ ބާނީގެ ހަޔާތުގެ މައްޗަށް އުފައްދާ ފިލްމެވެ. އެއީ އާޝިތޯޝް ގުވާރިކަރު ޕްރޮޑިއުސްކުރާ "ކައްރަމް ކުއްރަމް" އެވެ.
