ބޮލީވުޑް އެކްޓަރު އާމިރު ޚާންގެ ދޮށީ ފިރިހެން ދަރިފުޅު ޖުނައިދު ޚާން ފިލްމު ކުޅުމަށް 15 ފަހަރު އޮޑިޝަން ދީގެން ވެސް ވީ ފެއިލް ކަމަށް އާމިރު ބުނެފިއެވެ.
އާމިރު ބުނެފައިވާ ގޮތުގައި ދަރިފުޅު ބޮލީވުޑަށް ނުކުންނަށް ބޭނުން ވަނީ އަމިއްލަ މަސައްކަތުން ކަމަށެވެ. އަދި ޖުނައިދު އޮޑިޝަނަށް ދާއިރުވެސް އާމިރާ ގުޅުމެއް އޮންނަ ކަން ހާމަ ނުކުރާ ކަމަށާއި އަދި އޮޑިޝަން ތަކަށް ދާކަމަށް ބުނީވެސް 15 ފަހަރަށް ވުރެ ގިނައިން އޮޑިޝަނަށް ގޮސް ފެއިލް ވުމުން ކަމަށް އާމިރު ވަނީ ބުނެފައެވެ.
ޖުނައިދު ފިލްމު ކުޅެން ބޭނުން ކަމަށް ވާނަމަ އޭނާގެ އެއްބާރުލުން އަބަދުވެސް ލިބޭނެ ކަމަށް އާމިރު ވަނީ ބުނެފައެވެ. އަދި ޖުނައިދުގެ ސްކްރީން ޓެސްޓެއް ދާދިފަހުން އަދިއްތިޔާ ޗޯޕްރާއަށް ފެނި، އޭނާގެ ފިލްމަކުން ފުރުސަތު ދީފައި ވާކަމަށްވެސް އާމިރު ވަނީ ބުނެފައެވެ.
އާމިރުގެ ފިރިހެން ދަރިފުޅު އެކްޓުކުރުމަށް ޝައުގު ވެރިކަން ހުރި އިރު އޭނާގެ ދޮށީ އަންހެން ދަރިފުޅު އިރާ ޚާންގެ ޝައުގު އެއްވެސް ވަރަކަށް ފިލްމު ކުޅުމަށް ނެތް ކަމަށް އޭނާ ވަނީ ބުނެފައެވެ.
ޖުނައިދާއި އިރާ އަކީ އާމިރުގެ ފުރަތަމަ ކައިވެނިން ލިބިފައިވާ ދެކުދިންނެވެ. އަދި ދެވަނަ ކައިވެނިން ވެސް އާމިރު ޚާނަށް ވަނި ފިރިހެންކުއްޖެއް ލިބިފައެވެ. ނަމަވެސް އެކައިވެނި ވެސް ވަނީ މިހާރު ނިމުމަކަށް އައިސްފައިއެވެ.
