ސަލްމާންގެ އުފަންދުވަހު "ނޯ އެންޓްރީ މޭ އެންޓްރީ" ހެދުމަށް އިއުލާން ކުރި ނަމަވެސް މިހާތަނަށް ފިލްމު އުފެއްދުމުގެ މާބޮޑު މަސައްކަތް ތަކެއް ކުރިއަކަށް ނުދެއެވެ.

މި ފިލްމަކީ 2005 ވަަނަ އަހަރު ނެރުނު ހެއްވާ މަޖާ ފިލްމު "ނޯ އެންޓްރީ"ގެ ސީކުއަލް އެކެވެ. ފިލްމު ޑައިރެކްޓްކުރާނީ "ނޯ އެންޓްރީ"ގެ ވެސް ޑައިރެކްޓަރ އަނީސް ބަޒްމީއެވެ.

ދާދިފަހުން ފިލްމާ ބެހޭގޮތުން ވާހަކަ ދައްކަމުން ފިލްމުގެ ޕްރޮޑިއުސަރ ބޯނީ ކަޕޫރު ބުނެފައިވަނީ ފިލްމުގެ މަސައްކަތް ފަށަންވީމާ އެނގެނީ ސަލްމާން ޚާނަށް ކަމަށެވެ. އަދި ފިލްމު އެއްކޮން ހެން ބަރޯސާ ވެފައިވަނީ ސަލްމާނަށް ކަަމަށް ވަނީ ބުނެފައެވެ.

މި ފިލްމުގައި ސަލްމާން ޚާންގެ އިތުރުން، އަނިލް ކަޕޫރު، ފަރްދީން ޚާން، ބިޕާޝާ ބާސޫ، ލާރާ ދައްތާ، އީޝާ ޑިއޯލް އަދި ސެލީނާ ޖެއިޓްލީ ހިމެނެއެވެ.

ސަލްމާން އަންނަނީ ވަރަށް ބިޒީ ކޮށް މަސައްކަތް ކުރަމުންނެވެ. ޝޫޓިންގ ފުލު ޝޫޓިންތައް ވަނީ ޝެޑިއުލް ކޮށްފައެވެ. ސަލްމާންގެ ފިލްމަކަށް ރިލީޒް ކުރަން އެންމެ އަވަަށް ހަަމެޖެހިފައިވަނީ "ޓައިގާ 3″ އެވެ.