އެކްޓަރ އައްލޫ އަރުޖުން އާއި ރަޝްމިކާ މާންދަންގެ އެކްޝަން ފިލްމް "ޕުޝްޕާ" އިން އިންސްޕަޔާ ވެގެން ސާރީއެއް ނެރެފިއެވެ.
"ޕުޝްޕާ" ރިލީޒް ކުރި ދުވަހުން ފެށިގެން މިއަދާ ހަމައަށްވެސް ފިލްމުގެ މަގުބޫލު ކަމަށް ކުޑަވެސް ބަދަލެއް އައިސްފައެއް ނުވެއެވެ. ބޮކްސް އޮފީހުގައި 300 ކަރޯޑް ރުޕީސްއަށް ވުރެ ގިނައިން އާމްދަނީ ހޯދާފައިވާ މި ފިލްމަށް ދުނިޔޭގެ އެކި ކަންކޮޅުތަކުން އަންނަނީ ތަރުހީބު ލިބެމުންނެވެ.
އަދި މި ފިލްމުގެ ޑައިލޮގް ތަކާއި ނެށުން ތަކުން މުޅި ސޯޝަލް މީޑިއާ ފުރާލާފައިވާއިރު މިއީ ބެލުންތެރިން މެދުގައި ވަރަށް މަގުބޫލު ފިލްމެކެވެ.
"ޕުޝްޕާ" އިން އިންސްޕަޔާ ވެގެން ހަދާފައިވާ، އަންހެނުންނަށް ހާއްސަ ހެދުމުގެ ވައްތަރެއް ކަމުގައިވާ ސާރީ މި ވަނީ ބާޒާރަށް ނެރެފައެވެ. މީގައި ވަނީ ޕުޝްޕާ ފިލްމުގެ ޕޯސްޓަރުތައް ޕްރިންޓް ކޮށްފައެވެ.
ސޫރަތު ކްލޯތް މާކެޓް މަޝްހޫރު ވެފައިވަނީ ތަފާތު ވައްތަރުގެ ގާމެންޓްސްއަށް މަޝްހޫރު މާކެޓެއްގެ ގޮތުގައެވެ. ބާޒާރަށް "ޕުޝްޕާ" ސާރީ ނެރުމާއެކު ގިނަ ބަޔަކު ވަނީ އެ ގަތުމަށް ކިއު ހަދާފައެވެ.
މި މާކެޓަށް ނެރުނު ފިހަރާގެ ވެރިޔާ ކަމުގައިވާ ޗަރަމްޕަލް ސިންގް ވަނީ އިންޑިއާގެ ގިނަ ކަންކޮޅުތަކަށް މިސާރީ ތައާރަފް ކޮށްދީފައެވެ. އެގޮތުން ރާޖިސްތާން، މަހާރާޝްޓްރާ، އުއްތަރަ ޕްރަދޭޝް އަދި ޗައްތިސްގަރު ފަދަ ބޮޑެތި ސްޓޭޓްތަކުން ވެސް އަންނަނީ މި ސާރީ ގަތުމަށް އޯޑަރު ދެމުންނެވެ.
ސޫރަތު މާކެޓްގައި މީގެ ކުރިން އިންޑިއާގެ ބޮޑުވަޒީރު ނަރެންދުރަ މޯދީ އާއި އުއްތަރަ ޕްރަދޭޝް ޗީފް މިނިސްޓަރު ޔޯގީ އަދިއްތިޔަނާރާޔަން ގެ 3ޑީ ފޮޓޯ ޖެހި ސާރީ ތަކެއްވެސް ވިއްކިއެވެ.
