ބޮލީވުޑް "އައިޓަމްގާލް"ގެ ގޮތުގައި މަޝްހޫރު ނޯރާ ފަތޭހީގެ އިންސްޓަގްރާމް އެކައުންޓު ހެކް ކުރުމަށް ހެކަރުން ކުރި މަސައްކަތް ނާކާމިޔާބުވެފައިވާ ކަމަށް އޭނާ ބުނެފިއެވެ.
ނޯރާ އަންނަނީ ދުބާއީގައި ޗުއްޓީ ހޭދަކުރަމުންނެވެ. އަދި މި ޗުއްޓީގައި އޭނާ ކުރަމުން ދިއަ ކަންކަންވެސް އޭނާ ގެންދަނީ ހިއްސާކުރަމުންނެވެ. ނޯރާ އަކީ ސޯޝަލް މީޑިއާގައި ވަރަށް އެކްޓިވް މީހެކެވެ.
View this post on Instagram
ނޯރާ އެކައުންޓް މީގެ ދެރިން ދުވަސް ކުރިން "ގެއްލުމުން" ފޭނުން ވަނީ ވަރަށް ބޮޑަށް އެކަމާ ކަންބޮޑުވެފައެވެ. އެކަމަކު ކުއްލިއަކަށް އޭނާ ގެއްލުނީ، ބަޔަކު އޭނާގެ އެކައުންޓް ހެކްކުރަން އުޅުމުން ކަމަށް ނޯރާ ބުންޏެވެ.
ނޯރާގެ އިންސްޓްގްރާމް އެކައުންޓުގައި 37.6 މިލިއަން ފޮލޯވަރުން ތިބި އިރު، އޭނާ އެންމެ ފަހުން އިންސްޓަގްރާމްގައި އާންމުކުރީ ދުބާއީގައި ޗުއްޓީ ހޭދަކުރަމުން އަންނަ ފޮޓޯތަކެވެ.
View this post on Instagram
އަނބުރާ އައިސް ސަޕޯޓަރުންގެ ކިބައިން މާފަށް އެދެމުން އޭނާ އިންސްޓަގްރާމް ސްޓޯރީއަށް ލީ ޕޯސްޓެއްގައި ބުނީ ހޮނިހިރު ދުވަހު ހެނދުނުން ފެށިގެން ބަޔަކު އޭނާގެ އެކައުންޓް ހެކްކުރުމަށް މަސައްކަތްކުރި ކަމަށާއި އެކަމަކު އިންސްޓަގްރާމް ޓީމާ ގުޅިގެން މިހާރު އެ މައްސަލަ ހައްލުކޮށްފައިވާ ކަމަށެވެ.ހެކަރުންގެ ކިބައިން އެކައުންޓް ސަލާމަތްކުރުމަށް މަސައްކަތް ކޮށްދިން ޓީމަށް އޭނާ ޝުކުރު އަދާކޮށްފައިވެއެވެ.
ނޯރާ އޭނާގެ ނެށުމުގެ ކުޅަދާނަކަން ދައްކައި، އާންމުންގެ މެދުގައި މަގުބޫކަން ހޯދީ "ދިލްބަރު"، "ގަރްމީ" އަދި "ސާކީސާކީ" ފަދަ ލަަވަތަކުންނެވެ.
