ތަފާތު ސަބަބުތަކާ ހެދި ނިންމުމަށް ވެސް ގިނަ ދުވަސްތަކެއް ނެގި އާމިރު ޚާން ގެ ފިލްްމު "ލާލް ސިންގް ޗައްޑާ" ރިލީޒް ކުރާ ތާރީހު ބަދަލުކުރަނީ ކަމަށް ދެކެވޭ ވާހަކަ ފިލްމުގެ ޕްރޮޑަކްޝަން ޓީމުން ދޮގުކޮށްފިއެވެ.
މި އަހަރު އެޕްރިލް 14 ގައި ނެރުމަށް ތާވަލް ކޮށްފައިވާ މި ފިލްމު އަަޅިވާ ތާރީހު ބަދަލުކުރަން ނިންމާފައި ވާކަމަށް މިދިޔަ ހަފްތާ ނިމެނިކޮށް ވަނީ އަޑު ފެތުރިފައެވެ. އަދި އެއީ އިންޑިއާގެ ކޯވިޑް-19ގެ ހާލަތު ގޯސްވުމުން ކަމަށްވެސް ބައެއް މީޑިއާތަކުން ބުނެފައި ވެއެވެ.
އެހެން ނަމަވެސް، ފިލްމު އުފެއްދި އާމިރް ޚާން ޕްރޮޑަކްޝަނުން ހުކުރު ދުވަހު ނެރުނު ބަޔާނުގައި ބުނީ މިއަހަރުގެ އޭޕްރީލް 14 ގައި ފިލްމު އަޅުވާނެ ކަމަށެވެ.
— Aamir Khan Productions (@AKPPL_Official) January 21, 2022
މި ފިލްމު އަޅުވާނެ ތާރީހު ބަދަލު ނުކުރާނެ ކަމަށް ޕްރޮޑަކްޝަން ޓީމުން ބުނި ނަމަވެސް ކޯވިޑްގެ ހާލަތު އިންޑިއާގައި މިދުވަސްވަރު އަންނަނީ ވަރަށް ގޯސްވަމުންނެވެ. އަދި މިކަމުގެ ސަބަބުން ގިނަ ފިލްމު ތަކެއް މިހާރު އަޅުވަން ތާވަލު ކޮށްފައިވާ ދުވަހަށް ނޭޅުވުމަކީ އެކަށީގެންވާ ކަމެކެވެ.
ލާލް ސިންގ ޗައްޑާ އަކީ އާމިރާއެކު ކަރީނާ ކަޕޫރު ލީޑުން ފެނިގެންދާނެ ފިލްމެކެވެ.
