ބޮލީވުޑްގެ އެކްޓަރ ވަރުން ދަވަންގެ ޑްރައިވަރު މަނޯޖް ހާޓްއެޓޭކެއް ޖެހިގެން މަރުވެއްޖެއެވެ.
ވަރުން އަކީ އޭނާގެ ގާތުގައި އުޅޭ މީހުންނާ ވަރަށް ގާތް ގުޅުމެއް އޮންނަ ތަރިއެކެވެ. އެއީ އާއިލާ މެމްބަރަކަށް ވިޔަސް ފޭނަކަށް ވިޔަސް އަދި މުވައްޒަފަކަށް ވިޔަސްވެސް މެއެވެ.
ލިލާވަތީ ހޮސްޕިޓަލްގައި ޑްރައިވަރު މަރުވި ޚަބަރު ލިބުމާއި އެކު ވަރުން ވަނީ އަވަހަށް ހޮސްޕިޓަލަށް ގޮސްފައެވެ.
ރިޕޯޓްތައް ބުނާގޮތުގައި މަނޯޖަކީ އޭނާގެ ޑްރައިވަރެއްގެ ގޮތުގައި ވަރަށް ގިނަދުވަސް ވަންދެން މަސައްކަތްކުރި މީހެކެވެ. ވަރުންގެ ކުރިން އޭނާގެ ބައްޕަ ޑޭވިޑް ދަވަން ގެ ޑްރިއަވަރަކަށްވެސް މަނޯޖު އުޅުނެވެ. ގާތްގަޑަކަށް 15 ވަރަކަށް އަހަރު އެ އާއިލާއަށް މަނޯޖްވަނީ ހިދުމަތް ކޮށްދީފައެވެ. އޭނާ އަކީ އާއިލާ މެމްބަރެއް ގޮތުގައި ވަރުން ދެކެއެވެ.
