ފިލްމު ކުޅެން ފެށިތާ ކުރީކޮޅު، ވަރަށް ހުތުރު ކަމަށް ބުނެ މަލާމާތް ރައްދުވިކަމަށް ބޮލީވުޑްގެ ތަރި ކްރިތީ ސެނޮން ބުނެފިއެވެ.
ހަށިގަނޑު ހުރި ގޮތާއި، މޫނާއި ހިނިތުންވުން ވެސް ކަމުނުދާކަމަށް ބުނެ ފުރައްސާރަ ކުރިކަމަށް އޭނާ ވަނީ ބުނެފައެވެ. އެތައް ބަޔަކު އޭނާގެ ހިނިތުން ވުން ކަމުނުދާކަމަށް ބުނެ މަލާމަތް ކުރިކަމަށް ވެސް ބުނެފައިވެއެވެ.
އިންޑިއާގެ ނޫހަކަށް ދިން އިންޓަވިއުއެއްގައި ކްރިތީ ބުނީ އިންޑަސްޓްރީގެ ބައެއް މީހުންވެސް، ނޭފަތާއި ތުންފަތުގެ ސާޖަރިއެއް ހެދުމަށް އިރުޝާރާދު ދީފައިވާކަމަށެވެ.
ނަމަވެސް އެއްވެސް ކަހަލަ ޕްލާސްޓިކް ސާޖަރީއެއް ނުހަދާވެސް ފިލްމު އިންޑަސްޓްރީގައި މަގުބޫލު ކަން ލިބެނުން އަންނަ ކަމަށާއި ބެލުންތެރިންގެ ލޯބިވެސް ލިބެމުން އަންނަ ކަމަށް އޭނާ ވަނީ ބުނެފައެވެ. އަދި މިއަދު މި ހުރީ ވަރަށް އުފަލުން ކަމަށާއި ދުވަހަކުވެސް ރީތިވުމަށް ސާޖަރީ ހެދުމުގެ ވިސްނުން ނެތް ކަމަށް ވެސް އޭނާ ވަނީ ބުނެފައެވެ.
ކްރިތީއަކީ މަދު ދުވަސްކޮޅެއްގެ ތެރޭގައި ބޮލީވުޑްގައި ބޮޑު މަގުބޫލު ކަމެއް ހޯދި ތަރިއެކެވެ. އަދި ބެލުންތެރިންގެ މެދުގައިވެސް މަގުބޫލު ފަންނާނެކެވެ.
ކްރިތީގެ ފިލްމީ މަސައްކަތަށް ބަލާއިރު އޭނާގެ ކުރިއަށް އޮތް ފިލްމްއަކީ "ބައްޗަން ޕާންޑޭ" އެވެ. މި ފިލްމުގައި އޭނާ ފެނިގެންދާނީ އަކްޝޭ ކުމާރާ އެކުގައެވެ.
