ސައުތުގެ އިންޑިއާގެ އޭ ލިސްޓުގެ ތަރިއެއް ކަމުގައިވާ ސަމަންތާ ރުތު ޕްރަބޫ ދާދިފަހުން ކުޅުނު އައިޓަމް ސޯންގް "އޫ އަންޓަވާ" ލަވައަށް ލިބެމުން އަންނަ ތަރުހީބު އެލަވަ ހިމެނޭ ފިލްމަށް ލިބެމުންދާ ތަރުހީބަށްވުރެ ބޮޑެވެ.
އެންމެ ތިން މިނިޓްގެ މި ލަވާގައި "އައިޓްމަ ގާލް"އެއްގެ ގޮތުގައި ސަމަންތާ ފެނިގެން ދަނީ ވަރުގަދަ ނެށުންތަކަކާ އެކުގައެވެ. ބައެއް މީހުންވަނީ ސަމަންތާ އާއި ނޯރާއާވެސް އަޅާކިޔާފައެވެ.
ސަމަންތާ އަކީ އާންމުކޮށް "އައިޓަމް ސޯންގް" ތަކުން ފެންނަ ތަރިއެއްނޫނެވެ. އޭނާ އަކީ ހުންރުވެރި އެކްޓަރެކެވެ.
3 މިނިޓްގެ މި ލަވަ ސަމަންތާ ކުޅޭދީފައިވަނީވެސް ވަރަށް ބޮޑު އަގަކަށް ކަމަށް ރިޕޯޓުތައް ބުނެއެވެ. އޭނާ އަކީ ސައުތު ފިލްމު އިންޑަސްޓްރީގައި ޑިމާންޑް ބޮޑު ތަރިއެކެވެ. މި ލަަވަ އޭނާ ކުޅޭދީފައިވަނީ 3 ކަރޯޑް އިންޑިއާ ރުޕީސް އަށެވެ.
"އޫ އަންޓަވާ" އަކީ މިދިއަ އަހަރު ޑިސެމްބަރު މަހުގެ 17 ވަނަ ދުވަހު ރިލީޒްކުރި ފިލްމް "ޕުޝްޕާ"ގެ ލަވައެކެވެ. ސުކުމާރު ލިޔެ ޑައިރެކްޓް ކޮށްފައިވާ މި ފިލްމްގެ ލީޑުރޯލުން ފެނިގެން ދަނީ ސައުތުގެ ސްޕަސްޓާ އައްލޫ އަރުޖުންއެވެ. އޭނާގެ އިތުރުން ފަހަދް ފައިސަލް އާއި ރަޝްމިކާ މާދަންނާ ވެސް މުހިންމު ރޯލުތަކުން ފެނިގެން ދެއެވެ.
