ބޮލީވުޑަކީ މުނިފޫހި ފިލުވުމުގެ ދާއިރާގައި މުޅި ދުނިޔޭގައި ވެސް އެންމެ ހިނގާ އެއް ނަމެވެ. ކޮންމެ އަހަރަކުވެސް ތަފާތު ޖޯންރާ ތަކުގެ ގިނަ ފިލްމު ތަކެއް ބޮލީވުޑުން ގެނެސްދެއެވެ. ރާއްޖޭގައި ގައިވެސް ހިންދީ ފިލްމާއި ޑްރާމާ ތަކަށް އޮންނަ ޑިމާންޑް ވަރަށް ބޮޑެވެ.
2020 ގައި ދުނިޔެ ކުރިމަތިލި، ކޯވިޑްގެ ބޮޑު ނާމާން ރޯޅިއާއި އެކު ބޮލީވުޑްވެސް ވަނީ މަޑުޖެހިފައެވެ. އިންޑިއާގައި ކޯވިޑްގެ އެންމެބޮޑު ނޭދެވޭ އަސަރެއް ކުރި ދާއިރާއަކީ ބޮލީވުޑެވެ. އެގޮތުން ފިލްމުތައް ރިލީޒް ނުކުރެވި ދިގު ދެމިގެން ދިއުމާއި ފިލްމު ޝޫޓިންތައް ކުރިއަށް ގެންދިއުމަށްވެސް ވަރަށް ބޮޑަށް ހުރަސް އެޅިގެން ދިޔައެވެ.
2020 ގައި ކޯވިޑްގެ ސަބަބުން ނެރުން ލަސްކުރި ފިލްމުތައް އަދިވެސް ވާނުވާ ލިސްޓުގައި އެބަހުއްޓެވެ. ފިލްމުތަކުން ލިބޭ ގެއްލުން ކުޑަކުރުމުގެ ގޮތުން، ސިނަމާ ތަކުގައި ރިލީޒް ކުރުމަށް ހަޖެއްސި ބައެއް ފިލްމުތައް އޮންލައިން އެކި ޕްލެޓްފޯމް ތަކުގައި ވެސް ނެރެން ޖެހުނެއެވެ.
2020ގައި ރިލީޒް ނުކުރެވުމުން 2021 އަށް ތާވަލް ކުރި ފިލްމުތައް މިހާރު މިވަނީ މިއަހަރަށް އަނެއްކާވެސް ރިލީޒް ކުރުމަށް ތާވަލު ކޮށްފައެވެ. ނަމަވެސް 2021 ގެ ޑިސެމްބަރުން ފެށިގެން އިންޑިއާގެ ކޯވިޑްގެ ހާލަތު އަނެއްކާވެސް އަންނަނީ އިތުރަށް ގޯސްވަމުންނެވެ.
އެހެން ކަމުން އަހަރުގެ ފަހު މަހުގައި ރިލީޒް ކުރުމަށް ތާވަލުކުރި، އޭލިސްޓު ތަރިންގެ ބޮޑެތި އުންމީދި ފިލްްމުތައް މި ވަނީ އަނެއްކާވެސް ފަސްކޮށްފައެވެ.
އެގޮތުން މި ބަލާލަނީ މި އަހަރު ނެރުމަށް ތާވަލަ ކޮށްފައިވާ އުންމީދީ ފިލްމު ތަކަށެވެ.
ރާދޭ ޝިޔަމް
View this post on Instagram
މި ފިލްމަކީ މި އަހަރު ޖަނަވަރީ 14 ގައި ރިލީޒް ކުރުމަށް ތާވަލުކޮށް ޕޯސްޓަރުވެސް މިހާރު ނެރެފައިވާ ފިލްމެކެވެ. ނަމަވެސް ކޯވިޑްގެ މިހާލަތުގައި ފިލްމު އަދިވެސް ލަސްވުމަކީ އެކަށީގެން ވާކަމެކެވެ. މި ފިލްމަކީ ރާދަ ކްރިޝްނާ ކުމާރު ޑައިރެކްޓްކޮށް ސައުތުގެ ސުޕަސްޓަރ ޕްރަބާސް އާއި ޕޫޖާ ހެގްޅޭ ފެނިގެން ދާ ފިލްމެކެވެ.
ޕްރިތުވިރާޖް
View this post on Instagram
ޑިސެމްބަރު 2021 ގައި ރިލީޒް ކުރުމަށް ހަމަޖެއްސި މި ފިލްމު ލަސްކޮށްލަން ޖެހުނީ އިންޑިއާގެ ކޮވިޑްގެ ހާލަތު އަނެއްކާވެސް ވަރަށް ބޮޑަށް ގޯސްވުމާ ގުޅިގެންނެވެ. ރީތީގެ ރާނީ މަނޫޝީ ޗިއްލަރު ބޮލީވުޑަށް ތައާރަފްވާ މި ފިލްމުގައި އަކްޝޭ ކުމާރާއި ސޯނޫ ސޫދް މުހިންމު ރޯލުތަކުން ފެނިގެން ދާނެއެވެ. މި ފިލްމު މިއަހަރަށް ފުރަތަމަ ތާވަލް ކޮށްފައިވަނީ މިމަހުގެ 21 އަށެވެ. ނަމަވެސް މިހާރު ވަނީ އަނެއްކާވެސް މުއްދަތެއް ނެތްގޮތަށް ފަސްކޮށްލާފައެވެ.
އެޓޭކް
Get ready to witness the making of India's first super-soldier! ????
Teaser out now: https://t.co/72zE2xULdO#Attack releasing in cinemas worldwide on Jan 28. @LakshyaRajAnand @Rakulpreet @Asli_Jacqueline #RatnaPathakShah @prakashraaj @jayantilalgada #AjayKapoor @MogreYogendra— John Abraham (@TheJohnAbraham) December 15, 2021
މީގެ ދުވަސްކޮޅެއް ކުރިން ކޯވިޑަށް ޕޮޒިޓިވްވި އެކްޓަރ ޖޯން އަބްރަހަމްގެ "އެޓޭކް" ވަނީ ޖެނުއަރީ 28 އަށް ތާވަލް ކޮށްފައެވެ. ނަމަވެސް މި ފިލްމުވެސް މިހާރު ލަފާކުރެވެނީ ވަކި ތާރީހެއް ނުދީ ފަސްކޮށްލާނެ ކަމަށެވެ. މި ފިލްމުން ޖޯނާއެކު ޖެކޮލިން ފެރްނާންޑޭޒް އަދި ރަކުލް ޕްރީތު ސިންގް ފެނިގެން ދާނެއެވެ. މި ފިލްމުގެ ޑައިރެކްޓަރަކީ ލަކްޝްޔަ ރާޖް އާންނަދެވެ.
ބަދާއި ދޯ
View this post on Instagram
ހަރްޝްވަރްދަން ކުލްކަރްނީ ޑައިރެކްޓް ކޮށްފައިވާ "ބަދާއީ ދޯ" ރިލީޒް ކުރުމަށް ހަމަ ޖެހިފައިވަނީ އަންނަ މަހުއެވެ. ރާޖް ކުމާރް ރާއޯ އާއި ބޫމީ ޕެޑްނޭކަރް ފެނިގެން ދާ މި ފިލްމަކީ ކޮމެޑީ ފިލްމެކެވެ.
ޝަބާޝް މިތޫ
View this post on Instagram
ތާޕްސީ ޕަންނޫގެ މި ފިލްމް އަކީ ސްރިޖިތު މުކަރްޖީ ޑައިރެކްޓް ކޮށްފައިވާ ފިލްމެކެވެ. މި ފިލްމް ރިލީޒް ކުރުމަށް ތާވަލް ކޮށްފައިވަނީ އަންނަ މަހު 4 ގައިއެވެ.
ގަންގޫބައީ ކަތިއަވަޅީ
View this post on Instagram
އާލިއާ ބަޓްގެ އުންމީދީ ފިލްމް "ގަންގޫބައީ ކަތިއަވަޅީ" މި ވަނީ މި އަހަރުގެ ފެބުރުވަރީ މަހުގެ 18 ވަނަ ދުވަހު ރިލީޒް ކުރުމަށް ތާވަލުކޮށްފައެވެ. އިންޑިއާގެ އެންމެ މޮޅު ޑައިރެކްޓަރުންގެ ތެރޭ ހިމެނޭ ސަންޖޭ ލީލާ ބަންސާލީ ޑައިރެކްޓް ކޮށްފައިވާ މި ފިލްމު މިދިއަ އަހަރު އެޅުވުމަށް ވެސް މަސައްކަތް ކުރިއެވެ.
ބައްޗަން ޕާންޑޭ
View this post on Instagram
އަކްޝޭ ކުމާރުގެ "ބައްޗަން ޕާންޑޭ" ވެސް ރިލީޒް ކުރުމަށް ހަމަ ޖެހިފައިވަނީ މި އަހަރުއެވެ. އަކްޝޭ އާއެކު ކްރިތީ ސެނޮން ފެނިގެންދާ މި ފިލްމް ރިލީޒް ކުރުމަށް ހަމަޖެފައިވަނީ 4 މާޗް 2022 ގައެވެ.
