ޣައިރު ދީންތަކުގެ ޝިޢާރުތައް ފާޅުކުރުމާއި، އެފަދަ ކަންކަމުގައި ބައިވެރިވުމަކީ، މުސްލިމުންނަށް ހުއްދަވެގެންވާ ކަންކަމެއް ނޫންކަމަށް މިއަދުގެ ހުކުރު ޚުތުބާގައި ބުނެފިއެވެ.
ކޮންމެ އަހަރެއްގެވެސް ފަހުކޮޅު ޢައިރު މުސްލިމުން ފާހަގަކުރާ ތަފާތުއެކި ދުވަސްތަކާއި ގުޅިގެން އަދި އެފަދަ ދުވަސްތަކުގައި މުސްލިމުން ބައިވެރިވަމުންދާތީ މިއަދުގެ ހުތުބާގައވަނީ އެކަމަށް އަލި އަޅުވާލާފައެވެ. ޚުތުބާގައި ބުނެގައިވަނީ އިސްލާމްދީނުގެ ޙުދޫދުގެ ތެރޭގައި، މުނިފޫހިފިލުވުމާއި، ދުނިޔޭގެ އުފަލާއި އަރާމު ލިބިގަތުމަކީ، އިސްލާމްދީނުގެ ނަޒަރުގައި ހުއްދަ ކަމެއްކަމުގައެވެ. ނަމަވެސް އުފާ ފާޅުކުރުމުގެ ނަމުގައި ޣައިރު ދީންތަކުގެ ޝިޢާރުތައް ފާޅުކުރުމާއި، އެފަދަ ކަންކަމުގައި ބައިވެރިވުމަކީ، މުސްލިމުންނަށް ހުއްދަވެގެންވާ ކަންކަމެއް ނޫންކަމަށެވެ.
ކީރިތި ގެ ރަސޫލާ ޝް ޙަދީޘްކުރައްވާފައިވާ ވެއެވެ. "މީހަކު ވަކި ބަޔަކާ އެއްވައްތަރު ވެގެންފިނަމަ، އެއީ އެމީހުންގެތެރެއިންވާ މީހެކެވެ."
ހަމައެއާއެކު ދުނިޔޭގެ އުފާ ލިބިގަތުމުގައި ﷲ ގެ ކޯފަ އަތުވެދާނެ އެންމެހާ ކަންކަމުން ދުރުހެލިވާން ޖެހެއެވެ. އަދި އާޚިރަތް ދުވަހުގެ މަތީން ހަނދާން ނައްތާލައިގެން ނުވާނެއެވެ. މިކަން ބަޔާން ކުރައްވައި މާތް ﷲ ވަޙީކުރައްވާފައިވާ ބަސްފުޅެއްގެ މާނާގައި ވެއެވެ. "އަޅަމެންގެ ވެރިރަސްކަލާކޯއެވެ! ދުނިޔޭގައި އަޅަމެންނަށް! (ހެޔޮކަން) ދެއްވާނދޭވެ.
ޚުތުބާގައި ބުނެފައިވަނީ އިންސާނާ ކިތަންމެ މުދަލެއް ހޯދި ކަމުގައި ވިޔަސް އެއީ ވަގުތީ އެއްޗެއް ކަމުގައެވެ. އަދި ދާދި އަވަހަށް ފަނާވެ ހިނގައިދާނެ އެއްޗެއް ކަމަށެވެ. ނުވަތަ އެއީ ދޫކޮށްފައި ދާންޖެހިދާނެ ތަކެތިކަމުގައެވެ. އެއަށްފަހު ވަނީ މާތް ﷲ ގެ ޙަޟްރަތުގައި ޖަވާބުދާރީ ވާންޖެހޭ ދުވަސް ކަމަށެވެ. އެދުވަހުން، އެއްގޮތަކީ، ތިމާއަކީ، މާތް ﷲ އެންގެވި ގޮތަށް މުދާ ހޯދައި، އެކަލާނގެ މަގުގައި އެ މުދާ ހޭދަކޮށްފައިވާ މީހަކު ކަމުގައި ވުމެވެ. އެފަދަ މީހަކަށް ތިބާ ވެއްޖެނަމަ، އުފަލުގެ ކޮޅެއް ވެސް ނެތެވެ. އަނެއް ގޮތަކީ މުދާ ހޯދުމުގައްޔާއި، ޚަރަދުކުރުމުގައި، މާތްﷲ ގެ އަމުރުފުޅާ ޚިލާފުވެ، އެ މުދަލުގެ ސަބަބުން މާތް ﷲ ހަނދުމަކުރުމުން ތިބާ މަޙްރޫމުވެފައި ވުމެވެ. އެފަދަ މީހަކަށް ތިބާ ވެއްޖެނަމަ، ހިތާމައިގެ ކޮޅެއް ވެސް ނެތެވެ.
ދުނިޔެއަށް އިންސާނާ ފޮނުއްވީ، ހެޔޮ ގޮތުގައި ދުނިޔެ ޢިމާރާތްކޮށް، ހެޔޮ ގޮތުގައި މާތް ﷲﷲ އަށް އީމާންވެ، ދުނިޔެއިން ފައިދާ ލިބިގަތުމާއެކު، އުޚުރަވީ ޙަޔާތަށްޓަކައި ހެޔޮ ޢަމަލު ކޮށް އުޅުމަށެވެ. އެހެންކަމުން ނެތުމުގެ ތެރެއިން އިންސާނާ ވުޖޫދަށް ގެންނަވައި، ބިމުގައި ޚަލީފާވެރި ކުރައްވައި، ހުރިހާ ނިޢްމަތްތަކެއް ދެއްވަވައި، ސީދާވެގެންވާ މަގު އިންސާނާއަށް ދެއްކެވީ، މާތް ﷲ އަށް އަޅުކަން ކޮށް އުޅުމަށެވެ.
އަދި އިންސާނާއަށް ގެއްލުން ހުރި ގޮތާއި، ފައިދާހުރި ގޮތް އެކަލާނގެ ވަނީ ބަޔާން ދުނިޔޭގައި މަދު ވަގުތުކޮޅެއް ވޭތުކުރުމަށްފަހު ދާއިމީ އިރުމަށްފަހު ދާއިމީ ޙަޔާތަށް އިންސާނާ ދަތުރު ކުރާނެކަން ވަނީ އަންގަވާފައެވެ. އެއީ ދުންޔަވީ އެދުންތަކުގައި، އިންސާނާ މަޝްޣޫލުވުމުގެ ސަބަބުން އުޚްރަވީ ޙަޔާތް ބީވެގެން ހިގައިދާނެތީއެވެ.
