މާލެ ސިޓީ ކައުންސިލްގެ މޭޔަރު ޑރ.މުއިއްޒުގެ ބޭނުމަކީ ސަރުކާރުން ބޯހިޔާވަހިކަން ފޯރުކޮށް ދިނުމަށް ކުރާ މަސައްކަތަށް ހުރަސްއެޅުން ކަމުގައި ރައްޔިތުންގެ މަޖިލީހުގެ އިހަވަންދޫ ދާއިރާގެ މެމްބަރު މުހައްމަދު ޝިފާއު ވިދާޅުވެއްޖެއެވެ.

މާދަމާރޭ ހުޅުމާލޭގެ ހިޔާ ފްލެޓް ސަރަހައްދުގައި އިދިކޮޅުން ބޭއްވުމަށް މަސައްކަތް ކުރާ ޖަލްސާއަށް ފުލުހުން ހުރަސްއަޅަމުންދާތީ މާލެ ސީޓީ ކައުންސިލުން ވަނީ ބޮޑެތި ނިންމުންތަކެއް ނިންމާފައެވެ. އެގޮތުން އެޗްޑީއާއިއެކު ހަދާފައިވާ އެގްރީމަންޓް ބާތިލްކޮށް ހުޅުމާލޭގެ ބާރުވެރިކަން މާލެ ސިޓީ ކައުންސިލަށް ވަނީ ނަގާފައެވެ.

މާލެ ސިޓީ ކައުންސިލުން އެޗްޑީސީގެ ބާރުތައް ނެގުމާއި ގުޅިގެން ޤާނޫނުގައި ހުރި ބައެއް މާއްދާތަކާއިއެކު ޝިފާއު ކުރެއްވި ޓުވީޓުގައި ވިދާޅުވީ މުއިއްޒުގެ އަސްލު ބޭނުމަކީ މާލޭގެ ރައްޔިތުންނަށް ބޯހިޔާވަހިކަން ހޯދައި ދިނުމަށް ސަރުކާރުން ކުރާ މަސައްކަތަށް ހުރަސް އެޅުމަށް ކަމަށެވެ. ސަރުކާރުން ބޯހިޔާވަހިކަން ހޯދުމަށް ކުރަމުންދާ މަސައްކަތުގައި އިންވެސްޓަރުންގެ އިތުބާރު ގެއްލުވާލައި އެކަން ވިޔަ ނުދިނުމަކީ މުއިއްޒުގެ އެންމެ ބޮޑު ބޭނުންކަމަށް ޝިފާއު ވިދާޅުވިއެވެ.

މުއިއްޒުގެ އަސްލު ބޭނުމަކީި ހުޅުމާލޭގަ ރައްޔިތުންނަށް ބޯހިޔާވަހިކަން ފޯރުކޮއްދިނުމަށް ސަރުކާރުން ކުރާމަސައްކަތަށް ހުރަސްއެޅުން. އިންވެސްޓަރުންގެ ހިތްތަކުގަ ނުތަނަވަސްކަން އުފައްދާ ޝައުގުވެރިކަން ނަގާލުން. މިސަރުކާރުން މާލޭ ރައްޔިތުންނަށް ބޯހިޔާވަހިކަން ފޯރުކޮއްދޭނެ.

– ޝިފާއު ވިދާޅުވިއެވެ.

މުއިޒު ގެ އަސްލު ބޭނުމަކީި ހުޅުމާލޭގަ ރައްޔިތުންނަށް ބޯހިޔާވަހިކަން ފޯރުކޮއްދިނުމަށް ސަރުކާރުން ކުރާމަސައްކަތަށް ހުރަސްއެޅުން. އިންވެސްޓަރުންގެ ހިތްތަކުގަ ނުތަނަވަސްކަން އުފައްދާ ޝައުގުވެރިކަން ނަގާލުން. މިސަރުކާރުން މާލޭ ރައްޔިތުންނަށް ބޯހިޔާވަހިކަން ފޯރުކޮއްދޭނެ. @MMuizzu pic.twitter.com/cc8XqHrDz6

— MP Mohamed Shifau (@mhshifau) December 8, 2021

އިދިކޮޅު ކޯލިޝަނުން ހުކުރު ދުވަހުގެރޭ ހުޅުމާލޭ ހިޔާ ފްލެޓް ސަރަހައްދުގައި ބޭއްވުމަށް މަސައްކަތް ކުރަމުންދާ ޖަލްސާއަށް މާލެ ސިޓީ ކައުންސިލުން ހުއްދަ ދީފައި ވަނިކޮށް ރަޔަޓް ފުލުހުން ޖަލްސާގެ ތައްޔާރީތަކަށް ހުރަސް އަޅަމުންދާތީ އެކަން ބަލައި ފުލުހުން ޖަވާބުދާރީ ކުރުވާނެކަމަށް މާލެ ސިޓީ ކައުންސިލްގެ މޭޔަރު ޑރ.މުއިއްޒު ވަނީ ވިދާޅުވެފައެވެ.

ފުލުހުން ޖަލްސާއަށް ހުރަސް އަޅަމުންދާ މައްސަލާގައި މާލެ ސިޓީ ކައުންސިލްގެ މޭޔަރު ޑރ.މުއިއްޒު ވިދާޅުވީ ސިޔާސީ ޕާޓީއަކުން ހޯދަންޖެހޭ ހުއްދަ ހޯދައި ޖަލްސާއެއް ބާއްވަން ކުރަމުންދާ މަސައްކަތަށް ފުލުހުން ހުރަސް ޤާނޫނާއި ޚިލާފަށް ހިންގަމުންދާ ކަންކަން ބަލައި އެކަމުގައި ޤާނޫނީ ގޮތުން ޖަވާދަރީ ކުރުމަށް ކުރަންޖެހޭ މަސައްކަތް ކުރާނެކަމަށެވެ.

ކައުންސިލްގެ އިޙްތިޞާސްގެ ތެރޭގައިއޮންނަ ސަރަޙައްދެއްގައި ސިޔާސީޕާޓީއަކުން ޖަލްސާއެއް ބާއްވަން އެދުމުން، އެކަމަށް ކައުންސިލުން ދީފައިވާހުއްދަ ތަންފީޒުކުރުމަށް ފުލުހުން ހުރަސް އަޅުއްވަމުންދާތަން ފެންނަމުންދާތީ އެކަމުގައި ޕޮލިސް ޤާނޫނީގޮތުން ޖަވާބުދާރީ ކުރުވާނެކަމުގައި ދަންނަވަން.

– މޭޔަރު މުއިއްޒު ވިދާޅުވިއެވެ.

ޖަލްސާ ބޭއްވުމަށް ފުލުހުން ހުރަސް އަޅަމުންދާއިރު، އެޗްޑީސީން ބުނެފައިވަނީ މިޖަލްސާ ބާއްވާކަން އެނގިފައިވަނި މީޑިއާއިން ކަމަށެވެ. ހުޅުމާލޭގެ އެއްވެސް ސަރަހައްދެއްގައި އެއްވެސް ހަރަކާތެއް ބޭއްވޭނީ އެޗްޑީސީއަށް ލިޔުމުން ހުށަހަޅައިގެން ހުއްދަ ހޯދުމަށްފަހު އެޗްޑީސީން ކަނޑައަޅާ އުޞޫލުތަކެއްގެ ތެރެއިން މިކަމަށް ހާއްސަ ކުރެވިފައިވާ ވަކި ސަރަހައްދެއްގައި ކަމަށް އެކޯޕަރޭޝަނުން ވަނީ ބުނެފައެވެ.

އެޗްޑީސީން ބުނެފައިވަނީ މިފަދަ ހަރަކާތެއް ބޭއްވުމަށް ބޭނުންވާ ފަރާތްތަކުން އެކަމަށް އެދި އެކޯޕަރޭޝަނަށް ހުށައަޅައިގެން އެހެން ފަރާތްތަކުންވެސް އަމަލު ކުރައްވާ އުސޫލުގެތެރެއިން އެ ހުއްދައަށް އެދުމުގެ ފުރުޞަތު އޮންނާނެ ކަމުގައެވެ. އެހެންކަމުން އެގޮތަށް އަމަލު ކުރުމަށް ހުރިހާ ފަރާތްތަކަށްވެސް އެޗްޑީސީން ވަނީ އިލްތިމާސްކޮށްފައެވެ.