ދިވެހި އުފެއްދުމެއްކަމަށްވާ "ދޮންގޮއްޔެ" ބްރޭންޑްގެ ތަކެތި ބޭނުން ނުކުރަން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން އިލްތިމާސްކޮށްފިއެވެ.
އެމްއެފްޑީއޭއިން ބުނީ، އެ އޮތޯރިޓީއަށް ހުށަހަޅާފައިވާ ޝަކުވާތަކާ ގުޅިގެން "ދޮންގޮއްޔެ" ބްރޭންޑްގެ ކާބޯތަކެތި އުފައްދާ ތަން އެ އޮތޯރިޓީން އިންސްޕެކްޓް ކޮށްފައިވާކަމަށާއި، އެތަނުގެ ސާފުތާހިރުކަން ވަރަށް ދަށްކަމަށް ފާހަގަކުރެވިފައިވާކަމަށެވެ.
އެކަންކަން އިސްލާހު ނުކޮށް އުފައްދާ އަދި ބަންދުކުރާ ތަކެތި ބޭނުން ކުރުމަކީ ސިއްހަތަށް ނޭދެވޭ އަސަރު ކުރުވާކަމެއްކަމަށް ފާހަވަތީ އެކަމާ ގުޅިގެން ކާބޯތަކެތީގެ ޒަރިއްޔާއިން ބައްޔެއް ފެތުރޭ ފަދަ ނުރައްކާތެރި ހާލަތެއް މެދުވެރި ވުމުގެ ފުރުސަތު އެބައޮތްކަމަށް އެ އޮތޯރިޓީން ބުންޏެވެ.
އެހެންކަމުން މިހާތަނަށް ބާޒާރުގައި ހުރި "ދޮންގޮއްޔެ" ބްރޭންޑްގެ އުފެއްދުންތައް ވިއްކަން ބެހެއްޓުމާއި ވިއްކުމަކީ މަނާކަމެއްކަމަށް ކަނޑައަޅަކަމަށް އެ އޮތޯރިޓިން ބުންޏެވެ.
