ސުޕަސްޓަރ އާމިރް ޚާންގެ "ޕީކޭ"ގެ ނިމުން ގެނައި ގޮތުން ގިނަބަޔަކު ބުނަމުން ދިޔައީ އެ ފިލްމްގެ ދެވަނަ ބައެއް ހަދާނެ ކަމަށެވެ. ސަބަބަކީ "ޕީކޭ" ގެ ފަހު މަންޒަރުން ރަންބީރު ކަޕުރުގެ އެންޓްރީ ދައްކާލުމެވެ.
ބޮލީވުޑްގެ ރިޕޯޓްތައް ބުނާގޮތުގައި އާމިރާއި ރަންބީރު އެކުގައި ކުޅޭ ފިލްމެއްގެ ޝޫޓިންގ އަންނަ އަހަރު މެދުތެރޭގައި ފެށުމަށް ވަނީ ހަމަޖެހިފައެވެ. ނަމަވެސް މި ފިލްމާ ބޭހެގޮތުން މާގިނަ މައުލޫމާތެއް އަދި އާންމު ކޮށްފައެއް ނުވެއެވެ.
ބޮލީވުޑްގެ ތާޒާ ހަބަރުތަށް ގެެނެސްދޭ ޕިންކް ވިލާ އިން ބުނިގޮތުގައި މި ދެތަރިންނަށް ވެސް މި ފިލްމު ހުށަހެޅުމުން، ފިލްމުގެ ސްކްރިޕްޓް ވަނީ ވަރަށް ކަމުގޮސްފައެވެ.
ގިނަ ރިޕޯޓްތަށް ބުނާގޮތުގައި މިއީ ފަހަރުގައި "ޕީކޭ"ގެ ދެވަނަ ބައިކަމުގައި ވެދާނެއެވެ. "ޕީކޭ" އަކީ ޑައިރެކްޓަރު ރާޖް ކުމާރު ހިރާނީ 2014 ވަނަ އަހަރު ގެނެސް ދިން، އެ އަހަރުގެ އެންމެ ކާމިޔާބު ފިލްމް ތަކުގެ ތެރެއިން އެއް ފިލްމެވެ.
އާމިރް މިހާރު އަންނަނީ އޭނާގެ ވަރަށް ދިގުލައިގެން ގޮސްފައިވާ ފިލްމެއް ކަމުގައިވާ "ލާލް ސިންގް ޗައްޑާ" އެޅުވުމުގެ އެންމެ ފަހުގެ ތައްޔާރީތައް ވަމުންނެވެ. ނަމަވެސް މި ފިލްމު ރިލީޒްކުރަން އަދި ހަމަޖެހިފައިވަނީ އަންނަ އަހަރުގެ އޭޕްރީލް މަހުއެވެ.
