ލަންކާގެ ޔޫތު މިނިސްޓަރ ނަމަލް ރާޖަޕަކްސާ އާއި މިނިސްޓަރ އަހްމަދު މަހްލޫފް ބައްދަލުކުރައްވައިފއެވެ. މިނިސްޓަރ މަހްލޫފް އާއި ނަމާލް އަކީ ގާތް ދެ އެކުވެރިން ކަމަށްވާއިރު މިއީ ރަސްމީ ހައިސިއްޔަތުން މި ދެ ބޭފުޅުން ބައްދަލުކުރެއްވި ފުރަތަމަ ފަހަރެވެ.
މި ބައްދަލުވުމުގައި ދެ ބޭފުޅުން ވަނީ، މިހާރު ދެގައުމުގެ މެދުގައި ސޮއި ކުރެވިފައިވާ ޔޫތު އެމްއޯޔޫ ގެ އިތުރުން ކުޅިވަރުގެ ދާއިރާއިން ދެޤައުމު ގުޅިގެން މަސައްކަތް ކުރުމަށް އެމްއޯޔޫ އެއްގައި ސޮއިކުރުމަށް އެއްބަސްވެފައެވެ. މީގެ އިތުރުން މިހާރުން މިހާރަށްވެސް ބައެއްކަންކަން ކުރަންވެސް ދެބޭފުޅުން މަޝްވަރާކުރެއްވިއެވެ.
އެގޮތުން؛ ލަންކާ ޤައުމީ ވޮލީ ޓީމު ރާއްޖެއަށް އެކުވެރިކަމުގެ މެޗުތަކެއް ކުޅެން ޑިސެންބަރު މަހު ދަތުރު ކުރުމާއި، ރާއްޖޭގެ ސަރފަރުންނާ ލަންކާ ސަރފަރުންނާއެކު ލަންކާކައި ފެސްޓިވަލެއް ބޭއްވުން ހިމެނެއެވެ.
މީގެ އިތުރުން ދެޤައުމުގެ ޖުނިއަރ ޓީޓީ މުބާރާތެއް ޖެނުއަރީ މަހު ބޭއްވުމާއި، ޔޫތު އެކްސްޗޭންޖް ޕްރޮގްރާމެއްގައި ދިވެހި ޒުވާނުން ލަންކާއަށް ދަތުރެއް ކުރުމާއި، ލަންކާ ބީޗް ވޮލީ ޓީމް ރާއްޖެއަށް ދަތުރު ކުރުމާއި، ކެންޔާ އަށް ލޯންގް ޑިސްޓެންސް 2 އެތުލީޓުން ފޮނުވަދިނުންވސް ދެބޭފުޅުން މަޝްވަރާކުރެއްވި ކަންކަމުގެ ތެރޭގައި ހިމެނެއެވެ.
ރައްޖޭގައި ޒުވާނުންނަށް ފުރުޞަތުތަށް ފަހިކޯށްދީ ކުޅިވަރު ކުރިއެރުވުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.
ކޮމެންޓު ފޮނުވާ