އައިސް ޖަމާއަތުން އެޖަމާއަތުގެ ޕްރޮޕަގެންޑާތައް އޮންލައިންކޮށް ފެތުރުމަށް އެހީތެރި ވެދިނުމުގެ ގޮތުން، ކޮމްޕިއުޓަރ ސްކްރިޕްޓް ލިޔެދިން، އެމެރިކާގެ ސިޓީއެއް ކަމުގައިވާ އިލިނޮއިސްގެ ރައްޔިތަކު ކުށްވެރިވާ ކަމަށް، އެމެރިކާގެ ފެޑެރަލް ކޯޓުގެ ފަނޑިޔާރަކު ހުކުމް ކޮށްފިއެވެ.
ޗިކާގޯއަށް ނިސްބަތްވާ ރައްޔިތެއް ކަމުގައިވާ އުމުރުން 22 އަހަރުގެ ތޯމަސް އޮސާޑްޒިންކީ ވަނީ، އައިސިސް ޖަމާއަތަށް އެމީހުންގެ ޕޯސަޓުތައް އޮންލައިންކޮށް ޝާއިއުކުރުމަށް އެހީތެރި ވެދިނުމުގެ ގޮތުން، ކޮންޕިއުޓަރ ސްކުރިޕްޓެއް ޑިޒައިން ކޮށްދީފައެވެ.
އަދި އޭނާވަނީ އޮންލައިކޮށް ޕޯސްޓުތައް ޝާއިއުކުރަން ފަސޭހަވާނެ ކަމަށް ބަލާއި، އައިސް ޖަމާއަތުގެ ސަޕޯޓަރުންކަމަށް އަދި އައިސް މީޑިއާ ގުރޫޕްގެ މީހުންކަމަށް އޭނާއަށް ގަބޫލުރެވުނު މީހުންނާއި 2019ވަނަ އަހަރު، މި ސްކްރިޕްޓް ހިއްސާ ކޮށްފައެވެ.
އެހެންނަމަވެސް، އޭނާ މި ސްކްރިޕްޓް ހިއްސާ ކޮށްފައިވާ ފަރާތްތަކަކީ، އެމެރިކާގެ އެފްބީއައިއަށް ޖާސޫސް ކޮށްދެމުންދިޔަ ފަރާތްތަކެވެ.
ބޭރުގެ ޓެރަރިސްޓް ޖަމާއަތަކަށް މެޓީރިއަލް ސަޕޯޓުގެ އިތުރުން ވަސީލަތްތަށް ފޯރުކޮށްދޭން މަސައްކަތް ކުރުމުގެ ތުހުމަތު އޭނާގެ މައްޗަށް ސާބިތުވެގެން ދިއުމާއި ގުޅިގެން އެނާއަށްވަނީ 20 އަހަރުގެ ޖަލުހުކުމަކާ ކުރިމަތިލާން ޖެހިފައެވެ.
އޮސާޑްޒިންކީ ގެ ފަރާތުން ކޯޓުގައި ވަކާލާތު ކުރަމުން އޭނާގެ ގާނޫނޫ ވަކީލު ބުނެފައިވަނީ، އޮސާޑްޒިންކީގެ އަމަލަކީ، ޚިޔާލު ފާޅުކުރުމުގެ މިނިވަންކަމުގެ ދަށުން ހިމާޔަތް ލިބިގެންވާ އަމަލެއް ކަމުގައެވެ.
"ގާނޫނަށް ގެެނެވިގައިވާ ފުރަތަމަ އިސްލާހުން ވަނީ، އަނެކާ ހިންހަމަ ނުޖެހޭ ވާހަކަ ދެއްކުންވެސް، އަދި އެއީ ތިމާ ގަޔާ ނުވާކަމަށް ވިޔަސް އެފުރުސަތު ލިބިދީފައި،" އޮސާޑްޒިންކީގެ ގާނޫނީ ވަކީ ކޯޓުގައި ވަކާލާތު ކުރަމުން ބުނެފައި ވެއެވެ.
އެހެންނަމަވެސް ކޯޓުގައި ވާހަކަ ދައްކަވަމުން އެމެރިކާގެ އެސިސްޓެންޓް އެޓާނީ މެލޮޑީ ވެލްސް ވިދާޅުވެފައިވަނީ، އޮންލައިކޮށް އެމީހުންނަށް އެހީތެރިކަން ފޯރުކޮށްދޭ މީހުންވެސް އައިސިސް ޖަމާއަތުން ބަލައިގަންނަނީ މައިދާނުގައި ޖިހާދުކުރާ މީހުންނާ އެއްވަރުގެ މީހުންގެ ގޮތުގައި ކަމުގައެވެ.
އަދި އޭނާ އިތުރަށް ވިދާޅުވެފައިވަނީ، ހައްޔަރު ކުރަން މަސައްކަތް ކުރުމުން އޮސާޑްޒިންކީ ވަނީ ފުލުހުންގެ ބެލުމުގެ ދަށަށް ދާން ދެކޮޅުހަދާ ފުލުސް އޮފިސަރުންނަށް ހަމަލާވެސް ދީފައި ކަމުގައެވެ.
