ބޮލީވުޑުގެ ޒުވާން ތަރި ރަންވީރު ސިންގގެ ފުރަތަމަ ޓީވީ ޝޯވ "ދަ ބިގް ޕިކްޗަރ" ފެށުމަށް ތައްޔަރުވަމުން އަންނަ އިރު އެކަމާ ގުޅިގެން ތަފާތު ވާހަކަތައް އަންނަނީ ދެކެވެމުންނެވެ. މިގޮތުން ފެތުރުނު އެއް ވާހަކައަކީ ރަންވީރު ޓީވީ ޝޯވ ހޯސްޓް ކުރަން ފަށާފައިވަނީ ޕެންޑަމިކްގެ ސަބަބުން ކުރިމަތިވި ދަތިކަމުގައި ފިލްމުތަކުގެ މަސައްކަތް ނުލިބޭތީ ކަމަށެވެ.
އެހެން ނަމަވެސް މިވާހަކަތަކަށް ޖަވާބުދެމުން ރަންވީރު ބުނެފައިވަނީ ފާއިތުވެދިޔަ 6 އަހަރުގެ ތެރޭގައިވެސް އެކި ޓީވީ ޝޯތައް ހޯސްޓްކުރުމަށް ފުރުސަތު ލިބިފައިވާކަމަށެވެ. އެހެން ނަމަވެސް އެޝޯތަކުގެ ކޮންސެޕްޓް އެހާ ގަޔާނުވާތީ ޤަބޫލުނުކުރަނީ ކަމަށްވެސް އޭނާ ބުނެފައިވެއެވެ. އޭނާގެ ފުރަތަމަ ޓީވީ ޝޯވ ދަ ބިގް ޕިކްޗަރ އަކީ އޭނާ ގަޔާވާފަދަ ގޮތަކަށް ކުރިއަށް ގެންދާ ޝޯއަކަށްވެފައި މުޅިން އައު ކޮންސެޕްޓެއް ކަމަށްވާތީ އެކަމާ ކުރިމަތިލީކަމަށް ރަންވީރު ބުނެފައިވެއެވެ.
Iss anokhe quiz show mein mere saath entertainment hoga blockbuster! @ColorsTV #TheBigPicture #TaqdeerKiTareekh #TasveerSeTaqdeerTak #ColorsTV pic.twitter.com/hkK3Tn1JGL
— Ranveer Singh (@RanveerOfficial) October 3, 2021
މީގެ އިތުރުން ރަންވީރު ބުނެފައިވަނީ އިތުރު މީހުންނަށް އޭނާ އެނގި ފޭނުން އިތުރުކޮށްލުމަށް މި ޝޯއަކީ އޭނާއަށް ލިބުނު ވަރަށް ބޮޑު ފުރުސަތެއްކަމަށެވެ. ފިލްމުތައް ނުބަލާ ބައެއް ފަރާތްތަކުންވެސް ޓީވީ ޝޯތައް ބަލާކަން ފާގަކުރަމުން ރަންވީރު ބުނެފައިވަނީ މި މަސައްކަތުގައިވެސް ރަގަނޅު ގޮތުގައި ދެމިހުރުމަށް އޭނާ މަސައްކަތްކުރާނެކަމަށެވެ.
އަބަދުވެސް ކުއިޒް ޝޯވ ތަކަށް ޝައުޤުވެރިކަން ހުންނަ ރަންވީރު އޭނާގެ ފުރަތަމަ ޓީވީ ޝޯވ "ދަ ބިގް ޕިކްޗަރ" ފެށުމަށް ހަމަޖެހިފައިވަނީ އޮކްޓޯބަރު މަހުގެ 16 ވަނަ ދުވަހު ކަލާސް ޗެނަލުންނެވެ.
