ވެލާނާ އިންޓަރނޭޝަލް އެއަރޕޯޓްގައި ދިރާގުގެ ކާރެއް ކޮންޓްރޯލްނުވެ ހިނިގި އެކްސިޑެންޓގައި 3 މީހަކަށް އަނިޔާވެއްޖެއެވެ.
މި އެކްސިޑެންޓް ހިނގާފައިވަނީ މިއަދު މެންދުރު ވެލާނާ އިންޓަރނޭޝަނަލް އެއަރޕޯޓްގެ ޓާރމިނަކް ކުރިމަތީގައެވެ. ފުލުހުން ބުނީ، އެއަރޕޯޓްގެ މައި މަގުގައި ދުއްވާފައި ދިޔަ ކާރެއް ކޮންޓްރޯލް ނުވެ ވޯކްވޭ ފެންސުގައި ޖެހި، ފެންސު ފަޅައިގެން ގޮސް ވޯކްވޭ މައްޗަށް އަރައި އެކްސިޑެންޓުވެފައިވާކަމަށެވެ.
މި އެކްސިޑެންޓްގައި ވަނީ 3 ފިރިހެނަކަށް އަނިޔާވެފައެވެ. ފުލުހުން ބުނީ އެމީހުންނަށް އެކިވަރުގެ އަނިޔާވެފައިވާކަަމަށެވެ. އަދި އެ ތިން މީހުންނަށް އެއަރޕޯޓް މެޑިކަލް ޕޮއިންޓްގައި ފަރުވާދެމުން އަންނަކަމަށްވެސް ފުލުހުން ބުންޏެވެ.
We are working towards supporting those affected and extending our full cooperation to the relevant authorities to investigate the incident.
(2/2)
— Dhiraagu (@Dhiraagu) October 6, 2021
މި އެކްސިޑެންޓްގެ ފޮޓޯތައް ފެންނަގޮތުގައި އެކްސިޑެންޓްވި ކާރުގެ ކުރީކޮޅު ވަނީ ވަރަށް ބޮޑަށް ހަލާުވެފައެވެ. އާންމުވެފައިވާ ފޮޓޯތަކުން ފެންނަ ގޮތުގައި އެކްސިޑެންޓްވި މީހުން އެކްސިޑެންޓުވުމާިއ ގުޅިގެން މަގުމައްޗަށް ވެއްޓިފައިވެއެވެ. އަދި އަނިޔާވެފައިވާ މަންޒަރުވެސް ފެނެއެވެ.
މި އެކްސިޑެންޓާއި ގުޅިގެން ދިރާގުން ވަނީ މަޢާފަށް އެދިފައެވެ. އަދި އަނިޔާވި މީހުންނަށް އަވަސް ޝިފާއަކަށްވެސް އެދިފައިވެއެވެ. ދިރާގުން ބުނީ އެކްސިޑެންޓް ހިނގަން މެދުވެރިވި ސަބަބު ތަހްގީގްކުރުމަށް އެފަރާތުން ފުރިހަމަ އެއްބާރުލުން ދޭނެކަމަށެވެ.
