މިސަރުކާރެކޭ މަސްތުގައި އޮތް ސަރުކާރެކޭ އެއްވެސް ތަފާތެއް ނެތްކަމަށް ވިދާޅުވެ ކުރީގެ ޑިފެންސް މިނިސްޓަރ އަދި މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު ވިދާޅުވެއްޖެއެވެ.

އުއްތަމަ ފަނޑިޔާރު މުއުތަސިމް އަދުނާންގެ ސެކިއުރިޓީ ބްރީޗްވިގޮތާއި ގުޅޭގޮތުން ރައްޔިތުންގެ މަޖިލީހަށް ހުށައެޅި މައްސަލައަށް ބަހުސްކުރައްވަމުން އާދަމް ޝަރީފް ވިދާޅުވީ، އުއްތަމަ ފަނޑިޔާރގެ ސެކިއުރިޓީ ބްރީވްވިގޮތަކި ވަރަށް ސީރިއަސް މައްސަލައެއްކަމަށެވެ. އާދަމް ޝަރީފް ވަނީ ، ދާޚިލީ ވަޒީރަކައި ދިފާއީ ވަޒީރެއް ހުންނެވިނަމަވެސް އެބޭފުޅުންނަށް ސެކިއުރިޓީ ފޯރުކޮށް ނުދެވިގެން އުޅޭނީ ކީޢްވެގެންތޯވެސް ސުވާލުކުރައްވާފައެވެ.

އެބަހުންނެވި، ދިފާޢީ ވަޒީރެއް އެބަހުންނެވި. ކީއްވެގެންތޯ މި މައްސަލައަށް ހައްލެއް ހޯދައިދިނުމަށް މި މަސައްކަތްނުކުރެވެނީ؟ އަޅުގަނޑު ހިތަށް އަރާ މި ވަޒީރުންނަށް ތިއްބަވާ ބޭފުޅުންނަށް މިކަންކަން ނުކުރެވިގެން މިދަނީ ކޮންފަރަތަކުން ކޮން އިރުޝާދެއް ދެއްވާތީބާއޭ؟ ނުވަތަ ކޮންކަލަ ވިސްނުމެއް ގެންގުޅޭތީބާއޭ؟ އަޅުގަނޑު ވަރަށް ކަންބޮޑުވޭ މި މައްސަލަގަ.

– އާދަމް ޝަރީފް ޢުމަރު

އާދަމް ޝަރީފް ވިދާޅުވީ، މިފަދަ ކަންކަންވުމުން އާޚރުގައި ހުރިހާ ހުތުރު ނަމެއް ރައްދުވަނީ، ދިވެހި އަސްލަރިއްޔާއަށްކަމަށެވެ. ސަރުކާރަށް މިކަންކަން ނުކުރެވިގެން ކީއްވެގެންތޯ ސުވާލުކުރައްވަމުން އާދަމް ޝާރީފް ވިދާޅުވީ، ޤަވާއިދުން ނެރެންޖެހޭ އަމުތައް ނެރެގެން ސަލާމަތީ ޚިދުމަތް ދޭންޖެހޭ ފަރަތްތަކަށް ޚިދުމަތް ނުދެވިގެން އުޅެނީ ކީއްވެތޯ ސުވާކު އުފެދޭކަމަށެވެ.

މިސަރުކާރެކޭ އެއްވެސް ތަފާތެއް މިއަދަކު ނެތް މއާފްކުރައްވާތީ ހަމަ އެއްވެސް ތަފާތެއް ނެތް ހަތަރެސްފައި ބުރިކޮށްލާފައި އޮތް ކޮއްމަސްގަނޑެކޭ. އެއްވެސް ތަފާތެއް ނެތް. އެއްވެސް ނަތީޖާއެއް ނެރެވޭކަމަކަށް ނުފެނޭ. މިހާ ނުކުޅެދިގެން ދާކަމަށްވަންޔާ އަލުގަނޑުމެންނަށް އެއްވެސް ޔަޤީންކަމެއްނޯންނާނެ މާދަމާ ކާކަށްކަމެއް ކުރިމަތިވާނީ. މިކަހަލަ އެތައް މައްސަލައެއް ކުރިމަތިވަމުން މިދަނީ.

– އާދަމް ޝަރީފް ޢުމަރު

އާދަމް ޝަރީފް ވަނީ މި ސަރުކާރުގެ ދިފާއުގައި ދެއްކޭނެ އެއްވެސް ވާހަކައެއްވެސް ނެތްކަމަށް ވިދާޅުވެފައެވެ. އަދި މިސަރުކާރެކޭ ނުކުޅެދޭ ސަރުކަރެކޭ ނުވަތަ މަސްތުގައި އޮތް ސަރުކާރެކޭ އެއްވެސް ތަފާތެއް ނެތްކަމަށްވެސް އާދަމް ޝަރީފް ވިދާޅުވިއެވެ.

މި މަޖިލީހަށް ނުކުރެވި އޮތީ އެންމެ ކަމެއް. އެއީ މި މަޖިލިސްއިން މިއަދު އެބަޖެހޭ ސަރުކާރުގެ ވަޒީރުންގެ ތެރޭގައި ތިއްބެވި ބޭފުޅުންވެސް ރައީސުލްޖުމްހޫރިއްޔާކަމަށްވިޔަސް މިހާ ނާގާބިލްވާކަމަށްވަންޔާ މިހާ ޒިންމާދާރުކަން ކުޑަކަމަށްވަންޔާ ނޯ ކޮންފިޑެންސް ނަގާފަ ވަކިކުރަން އެބަޖެހޭ. އަޅުގަނޑުމެންނަށް އޮތް ވާޖިބު ކަމެއްނޫން ހަމަ ސަރުކާރެއް ގެނެސް އޮތީތީ މިތާ 65 މެންބަރުން ތިއްބެވީތީ ހަމަ ކޮންމެ ކަމެއް ކޮންމެ ގޮތަކަށްދަން ދޫކޮށްލާގެން ތިބޭކަމަށް ނުޖެހޭ. މީ ސަރުކާރެއްކަމަށްވަންޔާ މިސަރުކާރުން ކޮށްދޭންޖެހޭ ކަންކަން ކޮށްދޭންޖެހޭނެ. މިަކންކަން ނުކުރެވޭކަމަށްވަންޔާ ނުކުޅެދޭ ސަރުކާރެކޭ މަސްތުގައި އޮތް ސަރުކާރެކޭ ތަފަތެއްނެތް. މިސަރުކާރުގެ ދިފާއުގައި ދައްކާނެ ވާހަކައެއް ނޯންނާނެ. މާ ބޮޑަށް ސަރުކާރު މިދަނީ ފެއިލްވަމުން.

– އާދަމް ޝަރީފް ޢުމަރު

އާދަމް ޝަރީފް ވަނީ، ތަކުރާރުކޮށް ސެކިއުރިޓީ ބްރީޗްވާ މައްސަލާގައި ސަރުކާރުގެ ކަމާބެހޭ ފަރަތްތަކުގެ އިތުބަރު ނެތްކަމުގެ ވޯޓު ނެގުމަށްވެސް ގޮވާލައްވާފައެވެ.

އަޅުގަނޑު ދަންނަވާލަން ބޭނުން އަޅުގަނޑުމެން މިވަހަކަ ދައްކާއިރު އެބަޖެހޭ ޒިންމާނަގަން. ސަރުކާރުގެ މިހާ ބޮޑެތި ފެއިލިއާސް އަންނަމުންދާއިރު ވަޒީރުންގެ އެއްވެސް ޒިންމާދާރުކަމެއް ނެތް. ސަލާމަތީ ޚިދުމަތްތަކަށް އިނގިލި ދިއްކުރުމަށްވުރެ ރަނގަޅުވާނެ ސަރުކާރެއް ސަރުކާރުގެ ވެރިން މިކަން ނުކުރާކަމަށްވާނަމަ މަޖިލީހުން ކުރަންޖެހޭ ކަމެކޭ އިތުބާރު ނެތްކަމުގެ ވޯޓު ނަގަން އެމްޑީޕީގެ މެންބަރުންނަށް. ތިބޭފުޅުންނަށް ސޮއިކުަރއްވަން ކެރިވަޑައިނުގެންނެވިއްޔާ އަޅުގަނޑުމެން ސޮއިކުރާނަމޭ. އިސްނަމްގަވާށޭ.

– އާދަމް ޝަރީފް ޢުމަރު

އުއްތަމަ ފނަޑިޔާރުގެ ސެކިއުރިިޓީ ބްރީޗްވިގޮތާއި ގުޅޭގޮތުން ފޮނަދޫ ދާއިރާގެ މެންބަރު މޫސާ ސިރާޖު މަޖިލީހަށް ހުށައެޅުއްވި މައްސަލާގައި ވަނީ، މަޖިލީހުގެ ރައީސް، މުޙައްމަދު ނަޝީދު މިހާރުވެސް ގެންދަވަނީ އެމަނިކުފާނުގެ ފުރާނަފުޅަށް އަމާޒުކޮށް 6 މެއި 2021 ވަނަ ދުވަހު ދީފައިވާ ނުރައްކާތެރި ޓެރަރިސްޓް ހަމަލާގެ ޒަހަމްތަކަށް ފަރުވާ ހޯއްދަވަމުން ކަމުގައެވެ. ރައީސް ނަޝީދުގެ ފުރާނަފުޅަށް އަމާޒުކޮށް ހަމަލާ ދެވިފައިވަނީ ސެކިއުރިޓީ ބްރީޗް ވެގެން ކަމަށާއި، މިހަމަލާއާ ގުޅިގެން ރައްޔިތުންގެ މަޖިލީހުގެ 241 ކޮމެޓީން ހިންގުނު ޕާލިމަންޓަރީ އިންކުއަރީއިން އެންމެ ބޮޑަށް ފާހަގަ ކުރެވުނު އެއްކަމަކީ 6 މެއި ގައި ހަމަލާ ދެވިފައިވަނީ ސަލާމަތީ ޚިދުމަތް ފޯރުކޮށްދިނުމުގައި ބަލަންޖެހޭ ކަންކަން ބަލަންޖެހޭ މިންވަރަށް ބެލިފައިނުވާތީ ކަމުގައެވެ.

އުއްތަމަ ފަނޑިޔާރުގެ ގެކޮޅަށް ވަންނަން މަސައްކަތްކުރީ މަސްތުވާތަކެތީގެ ސިކާރައަކަށް ވެފައިވާ ފަރާތެއްކަމުގައި ބުނެ ކަންކަން ނިންމާލެވޭ ވަރަށްވުރެ މިފަދަ ކަންކަން ސީރިއަސްކޮށް ނަގަންޖެހޭ ހިސާބަށް މިހާރު ޤައުމުގެ ހާލަތު ވަނީ ގޮސްފައިވާ ކަމެއްކަމަށްވެސް ބުނެފައިވެއެވެ.