ޓިކްޓޮކްގައި ބަރަހަނާވި މިހާގެ ބަންދަށް 15 ދުވަސް ކޯޓުން ޖަހައިފިއެވެ.
ސޯޝަލް މީޑިއާގައި ބަރަހަނާ ވީޑިއޯ އާންމުކުރި މައްސަލައާ ގުޅިގެން ހައްޔަރުކުރީ 36 އަހަރުގެ ދިވެހި ފިރިހެނެއް ކަމަށް ފުލުހުން ބުންޏެވެ. އަދި އޭނާގެ ބަންދަށް މުއްދަތު ޖަހަން ގެންދިއުމުން 15 ދުވަހުގެ ބަންދުގެ މުއްދަތެއް ދީފައިވާކަމަށްވެސް ފުލުހުން ބުންޏެވެ.
އަމިއްލައަށް ބަރަހަނާ މަންޒަރު ރެކޯޑްކޮށް އެމަންޒަރު އޭނާ އާއްމު ކޮށްފައި ވަނީ މިދިޔަ އަންގާރަ ދުވަހުގެ ރޭގެ ވަގުތެއްގައެވެ. ރޭ ފުލުހުން އޭނާ ހައްޔަރުކޮށްފައި ވަނީ އޭނާ ހައްޔަރު ކުރުން ލަސްވަމުން ދާތީ ގިނަ ބައެއްގެ ފާޑުކިޔުން ފުލުހުންނަށް އަމާޒުވެފައި ވަނިކޮށެވެ. އެ މައްސަލަ އިތުރަށް ތަހުގީގުކުރަމުން އަންނަ ކަމަށް ވެސް ފުލުހުން ބުންޏެވެ.
ހައްޔަރުކުރި މީހާއަކީ އަންހެން ހެދުން އަޅައިގެން ޓިކްޓޮކްގައި އުޅޭ ފިރިހެނެކެވެ. އެކަމަކު ޓިކްޓޮކްގެ ގަވާއިދު ބުނާ ގޮތުން ބަރަހަނާ މަންޒަރު އާންމުކުރުމަކީ މަނާ ކަމެކެވެ. އެހެންވެ ވީޑިއޯ އާންމުކުރުމުން، އޭނާގެ އެކައުންޓް ވަނީ ބޭންކޮށްފަ އެވެ.
