އިދިކޮޅުން ކުރަމުންދާ މަގުމަތީގެ އިހުތިޖާޖުގައި ދިވެހި ފުލުނުން ބައިވެރިވުމަށް އިދިކޮޅު ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދިއްރަހީމް އަބްދުﷲ ގޮވާލައިފިއެވެ.
އިދިކޮޅު ކޯލިޝަންގެ މަގުމަތީގެ ހަރަކާތައް ހުރަސް އަޅައި، ހިނގާލުން ހުއްޓުވުމާއި ގުޅިގެން ވާހަކަ ދައްކަވަމުން އަބްދުއްރަހީމް ވިދާޅުވީ ދިވެހި ފުލުހުންނާއި ސިފައިންނަކީ، ޤައުމަށް ވަފާތެރި ރައްޔިތުންގެ ނުހަނު ލޯބި ލިބިފައިވާ ބައެއްކަމަށެވެ. މިއަދު އިދިކޮޅުން ކުރަމުންދާ މަސައްކަތަކީ ޤައުމީ މަސައްކަތެއް ކަމަށާއި، މިމަސައްކަތުގައި ދިވެހި ސިފައިންނާއި ފުލުހުން ބައިވެރިވުމަކީ މުހިންމު ކަމެއްކަމަށް އޭނާ ވިދާޅުވިއެވެ.
އަބްދުއްރަހީމް ވިދާޅީވީ ރައީސް ޔާމީން އަށް ކުރަމުންދާ އަނިޔާތަކަކީ ހަމައެމަނި އެމަނިކުފާނާއި އެމަނިކުފާނުގެ އާއިލާއަށް ލިބިގެންދާ އަނިޔާތަކެއް ނޫންކަމަށެވެ. އެމަނިކުފާނަށް ދޭ އަނިޔާތަކީ މުޅި ދިވެހި ރައްޔިތުންނަށް ދޭ އަނިޔާތަކެއްކަމަށެވެ.
އަބްދުއްރަހީމް ވަނީ ރައީސް ޔާމީން މިނިވަން ކުރުމަށާއި، އަދި ރައީސް ޞާލިހަށް ވަރަށް ބޮޑަށް ފާޑުވިދާޅުވެ ވާހަކަ ދައްކާފައެވެ. އަބްދުއްރަހީމް ވިދާޅުވީ މިމަަސއްކަތް ނިންމާނީ ރައީސް ޔާމީން މިނިވަން ކުރުމަށް ފަހުގައިކަމަށެވެ. މިކަން ކުރުމަށް ދިވެހި ރައްޔިތުން ތިބީ ކެތް މަދުވެފައި ކަމަށާއި، މިިކަމުގައި މިހާރު ބޭނުންވަނީ ފުލުުހުންގެ އެހީތެރިކަމާއިއެކު އަޑު އަޑު އުފުލަން ޖާގަ ދިނުންކަމަށް އަދުރޭ ވިދާޅުވިއެވެ.
