މަޝްހޫރު ބޮލީވުޑް އެކްޓަރ އަކްޝޭ ކުމާރުގެ މަންމަ މަރުވެއްޖެވެ.
އަކްޝޭ ގެ މަަންމަ އަރޫނާ ބާޓިއާ މަރުވެފައިވަނީ އިއްޔެއެވެ.
އަރޫނާ ވަނީ މީގެ ދެތިން ދުވަސް ކުރިން ހޮސްޕިޓަލުގައި އެޑްމިޓް ކޮށްފައެވެ. މުމްބާއީ ހަރިނަންދަ ހޮސްޕިޓަލުގެ އައިސީޔޫގައި އެޑްމިޓް ކުރުމާއެކު އަކްޝޭވަނީ ފިލްމް ޝޫޓިންގ މަސައްކަތްތަކެއް މެދުކަނޑާލުމަށްފަހު ޔޫކޭއިން އެބުރި އިންޑިއާއަށް އައިސްފައެވެ.
އަރޫނާ މަރުވުމުގެ ޚަބަރު ޓްވިޓާގައި ހިއްސާކުރަމުން އަކްޝޭ ވަނީ މިއީ އާއިލާއަށް ވަރަށް ހިތްދަތި އަދި ހިތާމަވެރި ވަގުތެއްކަމަށް ބުނެފައެވެ.
She was my core. And today I feel an unbearable pain at the very core of my existence. My maa Smt Aruna Bhatia peacefully left this world today morning and got reunited with my dad in the other world. I respect your prayers as I and my family go through this period. Om Shanti ??
— Akshay Kumar (@akshaykumar) September 8, 2021
އަކްޝޭ ކުމާރު މަންމަ މަރުވިތާ ހަތަރު ވަރަކަށް ގަޑިއިރު ފަހުން ޑައިރެކްޓަރު އާނަންދު އެލް ރާއީ ގެ މަންމަ ވެސް ވަނީ މަރުވެފައެވެ.
އަކްޝޭގެ މަންމަގެ ޖަނާޒާ ބޭއްވިތާ ގަޑީރެއްހާއިރު ފަހުން އަކްޝޭ ވަނީ އާނަންދުގެ މަންމަގެ ޖަނާޒާގައި ބައިވެރިވެފައެވެ. އާނަންދު އާއި އަކްޝޭ އެކުގައި ބައެއް ފިލްމް ތަކުގައި ވަނީ މަސައްކަތް ކޮށްފައެވެ.
މި ދެ މީހުންގެ އާއިލާ އަށް ވެސް ބޮލީވުޑްގެ ތަރިން ދަނީ ތައުޒިއާ ގެ މެސެޖުތަށް ފޮނުވަމުންނެވެ.
