އުމުރުން އެންމެ 10 އަހަރުގައި އައިޖީސީއެސްސީ އިމްތިހާންގައި ބައިވެރިވެ ކެމިސްޓްރީން އޭ ސްޓަރ ހޯދި ރަޔާން ރިޔާޒް އަބްދުލްވާހިދަށް މަރުހަބާކިޔައި، ފުލުހުންގެ ފޮރެންސިކް ލެބޯޓްރީގައި "މަސައްކަތް" ކޮށްލުމުގެ ފުރުސަތު ރަޔާނަށްދީފިއެވެ.
ރަޔާނަކީ ހުޅުމާލޭ ހުރަވީ ސްކޫލްގައި ކިޔަވަމުން އުމުރުން އެންމެ 10 އަހަރުގައި އައިޖީސީއެސްސީ އިމްތިހާންގައި ބައިވެރިވި ދަރިވަރެކެވެ.
ފުލުހުން ކުރި ޓްވީޓެއްގައި ބުނީ ހަގު އުމުރުގައި ރަޔާން ހޯދި މި ކާމިޔާބަށް ފުލުހުންގެ މުއްސަސާއިން މަރުހަބާ ކިޔާ ކަމަށެވެ. ފުލުހުންގެ ފޮރެންސިކް ލެބޯޓްރީގައި މަސައްކަތްތައް ކުރިއަށްދާ ގޮތް ބަލާލުމުގެ އިތުރުން ބައެއް މަސައްކަތް ފުލުހުންގެ އޮފިސަރުންނާއެކު ކޮށްލުމުގެ ފުރުސަތު ރަޔާނަށް ދީފައި ވެއެވެ. އަދި ކުރިއަށް އޮތްތަނުގައި ވެސް އިތުރު ކާމިޔާބީ ހޯދުމަށް މަސައްކަތް ކުރުމަށް ފުލުހުން ރަޔާނަށް ހިތްވަރު ދީފައި ވެއެވެ.
We were delighted to welcome boy genius, Rayan to MPS. Rayan had a tour of our forensic labs and also got to 'work' with our forensic experts!
This 10 year old has made us all proud by achieving an impressive A* in Chemistry in the IGCSE examinations of 2021. Keep going Rayan. pic.twitter.com/F4vNGJxVfO
— Maldives Police (@PoliceMv) August 20, 2021
އޯޓިސްޓިކް ކުއްޖެއް ކަމަށްވާ ރަޔާނަށް މިފަދަ ބޮޑު ކާމިޔާބެއް ހޯދައި ދިނުމުގައި އޭނާގެ މަންމަ ދައުރު ވަރަށް ބޮޑެވެ. ނަމަވެސް ރަޔާން އޯލެވެލް އިމްތިހާންގައި ބައިވެރި ކުރީ މިފަދަ ކާމިޔާބެއް ލިބިދާނެކަމަށް ހީކޮށްގެންނެއް ނޫން ކަމަށް މަންމަ ނުނެއެވެ.
ރަޔާންގެ މަންމަ ބުނެފައިވާ ގޮތުގައި ޔާން އަކީ އަބަދުވެސް އިންޓަނެޓުން އަމިއްލައަށް އެއްޗެހި ހޯދައިގެން ޕްރެޒެންޓޭޝަނާއި އެކްސްޕެރިމެންޓް ހަދާކުއްޖެކެވެ. އަދި ކުރިއަށް އޮތްތާ އެހެން މާއްދާތަކުންވެސް އޯލެވެލްގައި ރާޔަން ބައިވެރިކުރުމުގެ ވިސްނުން އޭނާގެ މަންމަ ގެންގުޅެއެވެ.
