އިންޑިއާގެ ކޮޗިން އިން ކުޅުދުއްފުއްޓާއި މާލެއަށް ދަތުރުކުރާ ފެރީގައި ސްރީލަންކާގެ ކޮލަމްބޯ އިން މުދާ ގެނެވޭ ގޮތް ހަމަޖެހިއްޖެ ކަމަށް މޯލްޑިވްސް ސްޓޭޓް ޝިޕިން (އެމްއެސްއެސް) އިން ބުނެފި އެވެ.
ކާގޯ ފެރީ މީގެކުރިން ދަތުރުކުރީ އިންޑިއާގެ ކޮޗިން އިން ކުޅުދުއްފުޓާއި މާލެ އަށެވެ. ލަންކާއަށް ދަތުރު ކުރެވޭގޮތް ހަމަޖެހުމުން މި ފެރީ ދެން ދަތުރުކުރާނީ ރާއްޖެއިން ފުރައިގެން ކޮލޮމްބޯއަށް ދިއުމަށްފަހު ކޮޗިންއަށް ކަމަށް އެމްއެސްއެސް އިން މައުލޫމާތުދެއެވެ.
އެމްއެސްއެސް އިން ބުނީ ކޮލަމްބޯ އިން ރާއްޖެއަށް މި ބޯޓުގައި މުދާ ގެނެވޭ ގޮތް ހަމަޖެހުމުން އެސްޓީއޯއަށާއި ރާއްޖޭގެ ގިނަ ވިޔަފާރިވެރިންނަށް ފަސޭހަތަކެއް ލިބޭނެ ކަމަށެވެ. އަދި ރާއްޖެއަށް މުދާ ގެންނަން މިހާރު ދިމާވާ ދަތިތަކަށް، ކޮންމެވެސް ވަރެއްގެ ލުޔެއް ލިބޭނެ ކަމަށް އެކުންފުނިން ބުނެއެވެ.
We are deeply grateful to @HCIMaldives for their kind assistance . pic.twitter.com/fQBkQUTD2V
— Maldives State Shipping (MSS) (@stateshippingmv) August 5, 2021
ލަންކާއިން ރާއްޖެއަށް މުދާ ގެނައުމުގައި ކޮޗިން ފެރީ ބޭނުންކުރުމުގެ ހުއްދައަށް އެމްއެސްއެސްއިން އިންޑިއާ ހައިކޮމިޝަން މެދުވެރިކޮށް އިންޑިއާ ސަރުކާރުގައި އެދުނީ މިއަހަރުގެ ޖޫން މަހުގައެވެ.
އިންޑިއާއާއި ރާއްޖެއާ ދެމެދު ކާގޯ ފެރީ ދަތުރު ބާއްވަނީ "އެމްސީޕީ ލިންޒް 47″ ނަމަކަށް ކިޔާ، ދިގުމިނުގައި 117 މީޓަރު ހުންނަ، 380 ކޮންޓެއިނަރު އަދި 3000 މެޓްރިކް ޓަނުގެ ބްރޭކް ބަލްކް ކާގޯ ކެޕޭސިޓީ ހުރި ބޯޓެއްގައެވެ.
ކޮމެންޓު ފޮނުވާ